మెగా బ్రదర్ నాగబాబు కూతురు నిహారిక విడాకులకు సంబధించిన వార్తలు వినిపించిన సంగతి తెలిసిందే.
వీరిద్దరి మధ్య మనస్పర్థలు తలెత్తాయని, విడిపోయేందుకు సిద్ధపడ్డారని ప్రచారం సాగింది. మెగా కుటుంబంలో జరిగిన వేడుకలన్నింటికీ నిహారిక మాత్రమే హాజరుకావడం ఆ వార్తలని బలపరిచింది. అలాగే సోషల్ మీడియాలో కూడా ఫోటోలు డిలేట్ చేసుకున్నారు.
ఐతే ఇప్పుడు ఈ వార్తలే నిజమయ్యాయి. నిహారిక, చైతన్య జొన్నలగడ్డ తమ వైవాహిక బంధానికి ముగింపు పలికారు. ఈ మేరకు వారిద్దరూ విడాకులకు తీసుకున్నారు. పరస్పర అంగీకారంతో హైదరాబాద్‌లోని కూకట్‌పల్లి ఫ్యామిలీ కోర్టులో ఇందుకోసం దరఖాస్తు చేసుకోగా, కోర్టు విడాకులను మంజూరు చేసినట్లు తెలుస్తోంది.
నిహారికకు, గుంటూరు ఐజీ జె. ప్రభాకర్‌ రావు కుమారుడు చైతన్య జొన్నలగడ్డకు 2020 డిసెంబరులో పెళ్లి జరిగింది. వీరి మధ్య వచ్చిన మనస్పర్థలు ఏమిటో గానీ మూడేళ్ళు గడవకముందే వీరి బంధం ముగిసిపోయింది.
