ప‌వ‌న్ క‌ల్యాణ్ కొత్త సినిమా ఈరోజు శ‌ర‌త్‌మ‌రార్ ఆఫీసులో గుట్టుచ‌ప్పుడు కాకుండా మొద‌లైపోయిన సంగ‌తి తెలిసిందే. క‌నీసం మీడియాకు కూడా ఆహ్వానం అంద‌లేదు. ఇప్పుడు ప‌వ‌న్ దారిలోనే అనుష్క కూడా న‌డించింది. అనుష్క క‌థానాయిక‌గా యువీ క్రియేష‌న్స్ సంస్థ ఓ చిత్రాన్ని నిర్మిస్తోంది. అదే.. భాగ్‌మ‌తి. పిల్ల‌జ‌మిందార్ అశోక్ ద‌ర్శ‌క‌త్వం వ‌హిస్తారు. ఈ సినిమా కూడా గ‌ప్ చుప్ గా ఈరోజే మొద‌లైంది. యువీ క్రియేష‌న్స్ ఆఫీసులో కొత్త సినిమాకి కొబ్బ‌రికాయ్ కొట్టేశారు.
అనుష్క, అశోక్, ప్ర‌మోద్‌, వంశీ మ‌రికొంత‌మంది త‌ప్ప ఈ కార్యక్ర‌మానికి ఎవ్వ‌రూ హాజ‌రు కాలేదు. యువీ క్రియేష‌న్స్ అంటే ప్ర‌భాస్ సొంత సంస్థ‌లాంటిది. ప్ర‌భాస్ కూడా ఈ ఓపెనింగ్‌లో క‌నిపించ‌లేదు. అంత గ‌ప్ చుప్‌గా.. కొబ్బ‌రికాయ్ కొట్టేశార‌న్న‌మాట. జులై నుంచి భాగ్‌మ‌తి సెట్స్‌పైకి వెళ్ల‌నుంది. దాదాపు రూ.40 కోట్ల రూపాయ‌ల భారీ బ‌డ్జెట్‌తో తెర‌కెక్కుతున్న చిత్ర‌మిది. దిల్‌రాజు బ్యాన‌ర్‌లో తెర‌కెక్కాల్సిన ఈచిత్రం.. చివ‌రికి యువీ క్రియేష‌న్స్ చేతికి చిక్కింది. రుద్ర‌మ‌దేవి, సైజ్ జీరోలాంటి లేడీ ఓరియెంటెడ్ చిత్రాలు ప‌రాజ‌యం పాల‌వ్వ‌డంతో భాగ్‌మ‌తి అనుష్క కెరీర్‌కి కీల‌కం కానుంది.
