కేరాఫ్ సూర్య టీజ‌ర్ : కేరాఫ్‌ కామెడీ

కొత్త ప్ర‌య‌త్నాలు చేస్తున్నాడు గానీ, స‌రైన ప్ర‌తిఫ‌లం అందుకోలేక‌పోతున్నాడు సందీప్ కిష‌న్‌. మొన్నామ‌ధ్య వ‌చ్చిన న‌క్ష‌త్రం కూడా బాగా దెబ్బ‌కొట్టేసింది. ఇప్పుడు కేరాఫ్ సూర్య గా రాబోతున్నాడు. నా పేరు శివ లాంటి సూప‌ర్ హిట్ అందించిన సుశీంద్ర‌న్ ద‌ర్శ‌కుడు కావ‌డంతో కేరాఫ్ సూర్య‌పై ఆశ‌లు పెంచుకోవొచ్చ‌నిపిస్తోంది. ఇప్పుడు టీజ‌ర్ బ‌య‌ట‌కు వ‌చ్చింది. హీరో క్యారెక్ట‌రైజేష‌న్‌ని క‌మెడియ‌న్ స‌త్య‌తో చెప్పించడం, దానికి త‌గ్గ‌ట్టుగా స‌న్నివేశాల్నిక‌ట్ చేయ‌డం.. ఆక‌ట్టుకొంది. టీజ‌ర్ ని లైట‌ర్ వేలో క‌ట్ చేయ‌డం క‌లిసొచ్చే విష‌య‌మే. సుశీంద్ర‌న్ క‌థ‌లు, పాత్ర‌లు స‌హ‌జ‌త్వానికి ద‌గ్గ‌ర‌గా ఉంటాయి. కేరాఫ్ సూర్య కూడా అలానే ఉంటుంద‌నిపిస్తుంది. కాక‌పోతే.. త‌మిళ ఛాయ‌లు టీజ‌ర్‌లోనే బ‌య‌ట‌ప‌డిపోయాయి. ఇక తెర‌పై ఏ స్థాయిలో ఉంటుందో! మెహ‌రీన్ క‌థానాయ‌క‌గా న‌టిస్తోంది. ఆమె గ్లామ‌ర్ ఈ సినిమాకి అద‌న‌పు బ‌లం.కానీ.. త‌న‌లో గ్లామ‌ర్ కోణం మాత్రం టీజ‌ర్‌లో చూపించ‌లేదు. సుశీంద్ర‌న్ సినిమాల్లో సోష‌ల్ మెసేజ్ త‌ప్ప‌కుండా ఉంటుంది. మ‌రి ఈ క‌థ‌లో ఆ మెసేజ్ ఏంట‌న్న‌ది టీజ‌ర్లో చూపించ‌లేదు. ఈమ‌ధ్య సందీప్ చేసిన సినిమాల్లో త‌ప్ప‌కుండా ఇదే ది బెస్ట్ అయ్యే సూచ‌న‌లు క‌నిపిస్తున్నాయి. మ‌రి ఏం జ‌రుగుతుందో చూడాలి.