హ‌మ్మయ్య.. ఎట్ట‌కేల‌కు పవన్ క‌ల్యాణ్ కి సినిమాల‌పై గాలి మ‌ళ్లింది. ఉంటుందా, ఉండ‌దా?? అనుకొన్న డాలీ సినిమా ప‌ట్టాలెక్క‌బోతోంది. ఆగ‌స్టు నుంచి చిత్రీక‌ర‌ణ మొద‌లెడ‌తార‌ని స‌మాచారం. ఇప్పుడు క‌థానాయిక పేరు కూడా కన్ఫామ్ అయ్యింది. శ్రుతిహాస‌న‌న్‌ని పవన్ స‌ర‌స‌న క‌థానాయిక‌గా ఎంచుకొన్నారు. ఎస్‌,జె సూర్య ఈ ప్రాజెక్టులో ఉన్న‌ప్పుడే క‌థానాయిక‌గా శ్రుతి పేరు ప‌రిశీల‌న‌లోకి వ‌చ్చింది. అయితే త‌న కాల్షీట్లు అందుబాటులో లేక‌పోవ‌డంతో శ్రుతి స్థానంలో ర‌కుల్‌ప్రీత్ ని ఎంచుకొన్నారు. ఆ త‌ర‌వాత సూర్య ప్రాజెక్టు నుంచి త‌ప్పుకోవ‌డం, సినిమా ఆల‌స్యం అవ్వ‌డంతో ర‌కుల్ డేట్లు కూడా దొర‌క‌లేదు. ఇప్పుడు మ‌ళ్లీ శ్రుతి లైన్‌లోకి వ‌చ్చింది. గ‌బ్బ‌ర్‌సింగ్ తో ఆక‌ట్టుకొన్న ఈ జంట.. మ‌రోసారి క‌నువిందు చేయ‌నుంద‌న్న‌మాట. ప్ర‌స్తుతం డాలీ స్క్రిప్టు ప‌నుల్లో ఉన్న‌ట్టు చిత్ర‌బృందం చెబుతోంది. అనూప్ రూబెన్స్‌స్వ‌రాలు స‌మ‌కూరుస్తున్నాడు. ఇప్ప‌టికే మూడు పాట‌ల్ని కూడా రికార్డ్ చేసేశారట.
కన్ఫామ్: ప‌వ‌న్‌తో శ్రుతిహాస‌న్‌
