బెంగాల్‌లోని నందిగ్రామ్ అంటే.. ఇప్పటికీ భూపోరాటమే గుర్తుకు వస్తుంది. అక్కడ పెట్టాలనుకున్న టాటా నానో ఫ్యాక్టరీ భూసేకరణ వివాదం… పాలక పార్టీగా ఉన్న సీపీఎం పునాదుల్ని కదిలించేసింది. మమతా బెనర్జీకి పీటం అందించేలా చేసింది. ఇప్పుడు అదే నందిగ్రాం ఆమె పీఠాన్ని కదిలించేయబోతోందన్న అంచనాలు రావడంతో.. మమతా బెనర్జీ స్వయంగా రంగంలోకి దిగారు. నందిగ్రామ్‌కు వెళ్లి ఎన్నికల యుద్ధానికి సిద్ధమయ్యారు. తానే స్వయంగా నందిగ్రాం నుంచి పోటీ చేస్తున్నారు. రెండో చోట పోటీ చేయడం లేదు. గెలిస్తే.. తాను గెలిచినట్లు.. లేకపోతే.. మొత్తంగా ఓడిపోయినట్లు. విజయమో.. వీర స్వర్గమో తేల్చుకోవాలని… మమతా బెనర్జీ అలా డిసైడయినట్లుగా తేలుతోంది.
నందిగ్రాంలో సువేందు అధికారి ఎమ్మెల్యేగా ఉన్నారు. ఆయన తృణమూల్ తరపునే దాదాపుగా 90వేల ఓట్ల మెజార్టీతో గెలిచారు. నిన్నామొన్నటిదికా మమత కేబినెట్‌లో ఆయన మంత్రి కూడా. కానీ ఆయన ఇప్పుడు బీజేపీలో చేరిపోయారు. నందిగ్రాం బెల్ట్ మొత్తం ఆయనకు పట్టు ఉంది. ఒక వేళ ఆయనను అలా బీజేపీకి వదిలిస్తే.. ఆ బెల్ట్ మొత్తం… తృణమూల్‌కు ఓటమి ఎదురవుతుంది. ఆయనను ఎదిరిస్తేనే ప్రయోజనమని.. అదీ కూడా.. ఆయనకు ధీటైన నేత పోటీ పడాలని డిసైడయి… మమతా బెనర్జీ స్వయంగా ఆయనను ఎదుర్కోవాలని డిసైడయ్యారు. నందిగ్రాంలో అధికారి బ్రదర్స్‌కు పలుకుబడి ఉండొచ్చు అది… మమతా టీంలో సభ్యులుగానే వారికి వచ్చింది కానీ సొంతంగా కాదని.. నిరూపించాలని మమతా బెనర్జీ డిసైడయ్యారు.
ఈ ఎన్నికలు మమతా బెనర్జీకి తాడో పేడో అన్నట్లుగా మారాయి. అందుకే ఆమె తాను గెలిస్తే పార్టీ గెలుస్తుంది..లేకపోతే లేదన్నట్లుగా … తేల్చుకోవాలనుకుంటున్నారు. నందిగ్రాంలో సువేందు అధికారినే అభ్యర్థిగా బీజేపీ ఖరారు చేసింది. బెంగాల్‌లో ఇప్పుడు.. ఎక్కడ చూసినా తృణమూల్ వర్సెస్ తృణమూల్ అన్నట్లుగా పోరు సాగుతోంది. ఒక్క నందిగ్రాం మాత్రమే కాదు.. అనేకచోట్ల తృణమూల్ నేతలతో పోటీ పడుతోంది.. ఇటీవలి కాలంలో ఉద్యమంలా పోయి..బీ జేపీలో చేరిన తృణమూల్ నేతలే. చివరికి మమతా బెనర్జీపై పోటీ పడేది కూడా.. వలస నేతే. ఇది కూడా బెంగాల్ ఎన్నికల్లో చర్చనీయాంశం అవుతోంది.
