ధోనీకి నాన్ బెయిలబుల్ అరెస్ట్ వారెంట్ జారీ

టీమిండియా కెప్టెన్ మహేంద్ర సింగ్ ధోనీకి అనంతపురం కోర్టు నాన్ బెయిలబుల్ అరెస్ట్ వారెంట్ జారీ చేసింది. కొన్ని నెలల క్రితం బిజినెస్ టుడే అనే ఒక ప్రముఖ పత్రిక కవర్ పేజిపై ఆయన విష్ణుమూర్తి అవతారంలో ఉన్న చిత్రం ప్రచురింపబడింది. దేశంలో అనేక సంస్థలకు బ్రాండ్ అబాసిడర్ గా పనిచేస్తున్న మహేంద్ర సింగ్ ధోనీ వలన వాటి ఉత్పత్తుల అమ్మకాలు గణనీయంగా పెరిగాయని, ఆ సంస్థల పాలిట ఆయన సాక్షాత్ శ్రీ మహావిష్ణువేనని వర్ణిస్తూ “గాడ్ ఆఫ్ ఆల్ డీల్స్” శీర్షికతో ఒక కధనం ప్రచురించింది. శ్రీ మహావిష్ణువు రూపంలో ఉన్న మహేంద్ర సింగ్ ధోనీ చేతుల్లో బూట్లు, చిప్స్ ప్యాకెట్, కూల్ డ్రింక్ బాటిల్, బూస్ట్ బాటిల్, ఆయిల్ బాటిల్ తదితర వస్తువులని పట్టుకొని ఉన్న చిత్రాన్ని ఆ పత్రిక కవర్ పేజీపై ముద్రించింది.

సహజంగానే అందుకు సర్వత్రా నిరసనలు, అభ్యంతరాలు వ్యక్తం అయ్యాయి. ఆయనపై బెంగళూరు, అనంతపురం కోర్టులలో పిటిషన్లు దాఖలయ్యాయి. ప్రస్తుతం బెంగళూరు కోర్టులో ఆ కేసు విచారణ కొనసాగుతోంది. బెంగళూరు కోర్టు కేసులో ధోనీ తరపున న్యాయవాదులు హాజరవుతున్నారు. కానీ అనంతపురం కోర్టు ఇచ్చిన నోటీసులను ధోనీ పట్టించుకోకపోవడంతో కోర్టు నిన్న ఆయన పేరిట నాన్ బెయిలబుల్ అరెస్ట్ వారెంట్ జారీ చేసింది. ఈ మధ్యనే ఆయనపై బెంగళూరులో మరో కేసు కూడా నమోదు అయ్యింది. అరెస్ట్ వారెంట్ జారీ అయినందున ధోని తప్పనిసరిగా అనంతపురం కోర్టుకి హాజరు కావలసి ఉంటుందని న్యాయ నిపుణులు చెపుతున్నారు. కానీ తక్షణమే ధోనీ స్పందించినట్లయితే ఆ అరెస్ట్ వారెంటుని కాల్-బ్యాక్ చేసుకొనే అవకాశం ఉందని చెపుతున్నారు. మరి ధోనీ ఏవిధంగా స్పందిస్తారో వేచి చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మోహ‌న్‌బాబు ‘స‌న్ ఆఫ్ ఇండియా’

ఫాద‌ర్ ఆఫ్ ది నేష‌న్ అని... మ‌హాత్మాగాంధీని పిలుస్తారు. ఇక నుంచి టాలీవుడ్ మాత్రం `స‌న్ ఆఫ్ ఇండియా` అంటే.. మోహ‌న్ బాబుని గుర్తు చేసుకోవాల్సిందే. ఎందుకంటే ఈ పేరుతో ఇప్పుడు...

వీడు మామూలోడు కాదు..! ఏకంగా లంచం కోటి..!

అవినీతిని అరికట్టేందుకు రూ. 2వేల నోట్లను కేంద్రం నియంత్రించేసింది కానీ.. అదేమీ ఈ తరహా సంపాదనకు అలవాటు పడిన వారికి అడ్డం కాలేదు. రూ. 2వేల నోట్లు కాకపోతే.. రూ. ఐదు వందల...

షాకింగ్ : హైకోర్టు జడ్జిల ఫోన్ల ట్యాపింగ్..!?

ఆంధ్రప్రదేశ్‌లో అవాంఛనీయమైన పరిణామాలు రోజు రోజుకు వెలుగు చూస్తున్నాయి. అక్కడ న్యాయవ్యవస్థ విశ్వసనీయతపై దెబ్బ కొట్టేందుకు భారీ కుట్రలు జరుగుతున్నాయని మాజీ న్యాయమూర్తి ఈశ్వరయ్య ఫోన్ సంభాషణతో వెల్లడయింది. తాజాగా ఇప్పుడు.. న్యాయమూర్తుల...

విశాఖలో స్పోర్ట్స్ కాంప్లెక్స్ కాదు ఓటు బ్యాంకుకు ఇళ్ల స్థలాలు..!

ఆంధ్రప్రదేశ్‌కు ఎగ్జిక్యూటివ్ క్యాపిటల్‌గా విశాఖపట్నంను చేసేందుకు ఉవ్విళ్లూరుతున్న ప్రభుత్వం... దానికి తగ్గట్లుగా "లుక్" ఉండే ప్రాజెక్టులన్నింటినీ ఒకదాని తర్వాత ఒకటి రద్దు చేసుకుంటూ పోతోంది. ప్రతిష్టాత్మక ప్రాజెక్టులను క్యాన్సిల్ చేస్తోంది. ఓ...

HOT NEWS

[X] Close
[X] Close