రాజ‌శేఖ‌ర్ విల‌న్ కాదా?

నితిన్ క‌థానాయ‌కుడిగా రూపొందుతున్న చిత్రం ఎక్స్‌ట్రా.. ఆర్డిన‌రీ! వ‌క్కంతం వంశీ ద‌ర్శ‌క‌త్వం వ‌హిస్తున్న ఈ చిత్రంలో రాజ‌శేఖ‌ర్ ఓ కీల‌క పాత్ర‌లో క‌నిపించ‌నున్నార‌న్న సంగతి తెలిసిందే. రాజ‌శేఖ‌ర్ న‌టిస్తున్నాడ‌న‌గానే.. అది విల‌న్ రోల్ అనుకొన్నారంతా. అయితే.. `ఎక్స్ ట్రా`లో రాజ‌శేఖ‌ర్ విల‌న్ కాదు. ఓ పాత్ర అంతే! ఇందులో రాజ‌శేఖ‌ర్ రిటైర్డ్ పోలీస్ ఆఫీస‌ర్ పాత్ర‌లో క‌నిపించ‌నున్నార‌ని టాక్‌. హీరోని స‌పోర్ట్ చేసే కీ రోల్ అది.

నిజానికి రాజ‌శేఖ‌ర్‌కి స‌పోర్టింగ్ క్యారెక్ట‌ర్ రోల్స్ ఇది వ‌ర‌కు చాలాసార్లు వ‌చ్చాయి. విల‌న్ రోల్ ఆఫర్లూ అందాయి. కానీ దేనికీ ఒప్పుకోలేదు. ఇన్నాళ్ల‌కు మ‌న‌సు మార్చుకొన్నాడు. అయితే స్ట్ర‌యిట్ గా విల‌న్ పాత్ర‌లు చేస్తే బాగోదేమో అని ఫీల‌య్యాడేమో, ఓ పాజిటీవ్ క్యారెక్ట‌ర్ ఒప్పుకొన్నాడు. నిజానికి రాజ‌శేఖ‌ర్ విల‌న్ పాత్ర‌ల‌కు ప‌ర్‌ఫెక్ట్ గా సూట‌వుతాడు. హీరోగా బ్రేక్ ఇచ్చి, ఓ సినిమా ఒప్పుకొన్న‌ప్పుడు ప‌వ‌ర్ ఫుల్ విల‌న్ క్యారెక్ట‌ర్ లో ఎంట్రీ ఇస్తే బాగుండేది. మ‌రి రాజ‌శేఖ‌ర్ ఈ నిర్ణ‌యం ఎందుకు తీసుకొన్నాడో? శ్రీ‌లీల క‌థానాయిక‌గా న‌టించిన ఈ చిత్రం డిసెంబ‌రులో ప్రేక్ష‌కుల ముందుకు రానుంది. హారీశ్ జయ‌రాజ్ సంగీతాన్ని అందిస్తున్నాడు.