రేపు జగన్ తో టాలీవుడ్ ప్ర‌ముఖుల కీల‌క స‌మావేశం జ‌ర‌గ‌బోతోంది. ఉద‌యం 10 గంట‌ల‌కు బేగంపేట విమానాశ్ర‌యంలో ప్ర‌త్యేక విమానం ద్వారా… టాలీవుడ్ బృందం విజయవాడ బ‌య‌లుదేర‌నుంది. ఈ బృందంలో చిరంజీవి, నాగార్జున, ఎన్టీఆర్‌. మహేష్, ప్ర‌భాస్‌, రాజ‌మౌళి, కొర‌టాల శివ త‌దిత‌ర ప్ర‌ముఖులు ఉండ‌బోతున్నారు. మ‌ధ్యాహ్నం 12 గంట‌ల‌కు తాడేప‌ల్లిలోని క్యాంపు కార్యాల‌యంలో ఈ స‌మావేశం జ‌ర‌గ‌బోతోంది. ఆ త‌ర‌వాత సినీ ప్ర‌ముఖుల‌తో లంచ్ ఏర్పాటు చేశారు. 3 గంట‌ల‌కు టాలీవుడ్ బృందం తిరుగు ప్ర‌యాణం అవుతుంది. స‌మావేశం గంట‌లోపే ముగియ‌బోతోంద‌ని తెలుస్తోంది. ఇప్ప‌టికే.. క‌మిటీ ప్ర‌భుత్వానికి ఓ నివేదిక సమ‌ర్పించింది. టికెట్ రేట్లు ఎలా ఉండ‌బోతున్నాయ‌న్న విష‌యంలో టాలీవుడ్ కి ఇప్ప‌టికే లీకేజీలు అందేశాయి. ఆ నివేదిక‌లో రేట్ల‌తో సినీ పెద్ద‌లు సంతృప్తిగానే ఉన్న‌ట్టు స‌మాచారం. దాంతో.. పెద్ద‌గా చ‌ర్చ‌లేం లేకుండానే.. నివేదిక‌లో ఉన్న రేట్ల‌కు టాలీవుడ్ పెద్ద‌లు స‌మ్మ‌తం తెలిపే అవ‌కాశం ఉంద‌ని స‌మాచారం.
