మెగా హీరోల్లో వరుస సక్సెస్ లతో దూసుకెళ్తున్న రెసుగుర్రం ఎవరంటే అందరికి గుర్తొచ్చేది స్టైలిష్ స్టార్ అల్లు అర్జునే.. తీసే ప్రతి సినిమాలో డిఫరెంట్ క్యారక్టర్స్ తో ప్రేక్షకులను ముఖ్యంగా అభిమానులను ఎంతగానో ఆకట్టుకుంటున్న అల్లు అర్జున్ వరుసగా మూడు సినిమాలను 50 కోట్ల మార్క్ ను టచ్ చేసి సూపర్ మచ్చి అనిపించుకున్నాడు. అయితే బన్ని యాక్టింగ్ సూపర్.. ఫైట్స్ కూడా ఎక్సలెంట్.. ఇక డ్యాన్సులంటారా ప్రత్యేకంగా చెప్పాల్సిన పనిలేదు కుమ్మేస్తాడు.
అయితే తన కెరియర్ లో ప్రస్తుతం హీరోగా కొనసాగుతున్న బన్ని కొత్తగా సింగర్ అవతారమెత్తబోతున్నాడు. బోయపాటి శ్రీను దర్శకత్వంలో వస్తున్న సరైనోడు సినిమాలో అల్లు అర్జున్ కూడా తన గొంతు సవరించుకోబోతున్నాడట. దీనికి సంబంధించిన రికార్డింగ్ కూడా ఈ మధ్యనే ముగిసిందని సమాచారం. ఇప్పటికే స్టార్ హీరోలు తమ సినిమాల్లో ఏదో ఒక బిట్ సాంగ్ అయినా పాటి వినిపిస్తున్న వారే. ఇప్పుడు వారి దారిలో థమన్ ఆధ్వర్యంలో బన్ని కూడా సరిగమలు పాడేస్తున్నాడు.
అంతేకాదు ఈ సాంగ్ కూడా మాస్ బీట్ అంటూ చిత్ర యూనిట్ చెబుతున్నారు. మరి బన్నితో థమన్ చేసే ఈ ప్రయోగం ఎంతవరకు సక్సెస్ అవుతుందో చూడాలి. గీతా ఆర్ట్స్ బ్యానర్ లో అల్లు అరవింద్ నిర్మిస్తున్న సరైనోడు సినిమాలో రకుల్ ప్రీత్ సింగ్, కేథరిన్ త్రేసా కథానాయికలుగా నటిస్తున్నారు.
