ఆంధ్రప్రదేశ్‌లో ఇద్దరు ఐఏఎస్ అధికారులకు హైకోర్టు వారం రోజులు జైలు శిక్ష శిక్ష విధించింది. హైకోర్టు ఉత్తర్వులను ఎన్ని సార్లు ఆదేశించినా చేయకపోవడంతో సహనం నశించిన హైకోర్టు… చివరికి శిక్ష విధించింది. తమ ఉద్యోగాలను నిబంధనల ప్రకారం రెగ్యులరైజ్ చేయాల్సి ఉన్న చేయలేదంటూ.. 36 మంది ఉద్యోగులు గతంలో కోర్టును ఆశ్రయించారు. వారి పిటిషన్‌పై విచారణ జరిపిన హైకోర్టు.. అందర్నీ రెగ్యులరైజ్ చేయాలని.. ఆదేశాలు జారీ చేసింది. అప్పటి నుంచి రెగ్యులరైజ్ చేయకపోవడంతో వారు మళ్లీ కోర్టును ఆశ్రయించారు. పలుమార్లు ఉత్తర్వులు అమలు చేయాలని హైకోర్టు ఆదేశాలు జారీ చేసింది. అయినప్పటికీ పట్టించుకోలేదు.
చివరికి హైకోర్టు తమ ఆదేశాలు అమలు చేయాల్సిన బాధ్యతల్లో ఉండి నిర్లక్ష్యం ప్రదర్శించిన చిరంజీవి చౌదరి, గిరిజా శంకర్‌లకు వారం జైలు శిక్ష విధిస్తూ తీర్పు చెప్పింది. కోర్టు ధిక్కరణ కేసులో.. చిరంజీవిచౌదరి, గిరిజాశంకర్‌ వ్యక్తిగతంగా కోర్టుకు హాజరయ్యారు. వారి సమక్షంలోనే హైకోర్టు తీర్పు చెప్పింది. ప్రభుత్వ పెద్దల ఒత్తడి వల్లే ఉద్యోగాలను రెగ్యులరైజ్ చేయలేదని.. ఇప్పుడు… వారు శిక్ష అనుభవిస్తున్నారని అధికారవర్గాల్లో జోరుగా చర్చ సాగుతోంది. వైసీపీ ప్రభుత్వంలో అనేక మంది సివిల్ సర్వీస్ అధికారులపై కోర్టు ధిక్కరణ పిటిషన్‌లు పడ్డాయి.
ప్రభుత్వం చెప్పినట్లుగా చేస్తు్న్న ఐపీఎస్, ఐఏఎస్ అధికారులు చట్టాలు.. రాజ్యాంగాన్ని కూడా పట్టించుకోవడం లేదు. ఫలితంగా కేసుల పాలవుతున్నారు. గతంలో పలువురు అధికారులపై హైకోర్టు ఆగ్రహం వ్యక్తం చేసింది. ఐఏఎస్ ప్రవీణ్ కుమార్.. ఐపీఎస్ సునీల్ కుమార్ వాంటి వారిపై కోర్టు ధిక్కరణ కేసులకు ఆదేశాలు కూడా ఇచ్చింది. ఈ పరిణామాలతో అధికారవర్గాల్లో అలజడి రేగుతోంది.
