హైదరాబాద్: సింగపూర్ పర్యటనలో ఉన్న ఆంధ్రప్రదేశ్ ముఖ్యమంత్రి చంద్రబాబునాయుడు ఇవాళ సింగపూర్ ప్రధానమంత్రి లీ సీన్ లూంగ్‌తో భేటీ అయ్యారు. ఆంధ్రప్రదేశ్ రాజధాని అమరావతికి వచ్చేనెల 22న జరిగే శంకుస్థాపనకు రావలసిందిగా ఆహ్వానించారు. లీ సీన్ లూంగ్‌తో సమావేశమవటం సంతోషంగా ఉందని బాబు ట్వీట్ చేశారు. అంతకుముందు ఇన్‌స్టిట్యూట్ ఆఫ్ సౌత్ ఏషియన్ స్టడీస్‌లో బాబు కీలక ప్రసంగం చేశారు. సభికులు ఏపీకి సంబంధించి వివిధ అంశాలపై అడిగిన ప్రశ్నలకు జవాబులిచ్చారు. భారత రాయబారి గోపీనాథ్ పిళ్ళై ఈ కార్యక్రమంలో మోడరేటర్‌గా వ్యవహరించారు. తర్వాత సింగపూర్ మంత్రి ఈశ్వరన్‌ ఇచ్చిన విందుకు చంద్రబాబు హాజరయ్యారు. అమరావతి మాస్టర్ ప్లాన్ అమలుచేయటం గురించి ఇరువురు నేతలూ చర్చించారు.
సింగపూర్ ప్రధానితో బాబు భేటీ:శంకుస్థాపనకు ఆహ్వానం
