కరోనా టీకా మధ్యతరగతి ప్రజలకు భారం అయ్యే సూచనలు కనిపిస్తున్నాయి. బ్రిటన్‌కు చెందిన ఆక్స్‌ఫర్డ్- ఆస్ట్రాజెనెకా తయారు చేసిన వ్యాక్సిన్‌కు భారత్‌లో అమ్మకానికి ఆమోదం ఇచ్చారు. సీరం ఇనిస్టిట్యూట్ సంస్థ ఇక్క మార్కెట్ చేసుకుంటోంది. ప్రభుత్వానికి రూ. రెండు వందలకు ఒక్క టీకా సప్లయ్ చేస్తున్న సీరం ప్రజలకు వచ్చే సరికి రూ. వెయ్యి వసూలు చేస్తామని చెబుతోంది. అది కూడా.. పన్నుల్లేకుండా. పన్నులతో కలిపి మరింత అదనం అవుతుంది. ఒక్క డోస్ తీసుకుంటే సరిపోదు.. రెండు డోసులు తీసుకోవాలి. అంటే.. దేశంలో ఉన్న ప్రతి ఒక్కరూ… కనీసం రెండున్నరవేలు టీకా కోసం ఖర్చు పెట్టాల్సి ఉంటుంది.
కేంద్ర ప్రభుత్వం టీకా ఫ్రీ అని ఇప్పటి వరకూచెబుతూ వచ్చింది. ఎక్కడ ఎన్నికలు జరిగితే.. అక్కడ టీకా ఫ్రీ అని బీజేపీ కూడా మ్యానిఫెస్టోల్లో పెట్టింది. చివరికి… టీకా అందుబాటులో కి వచ్చే సరికి .. అందరికీ కాదని చెబుతోంది. ఆరోగ్య కార్యకర్తలకు, కోవిడ్ వారియర్స్‌కు… వృద్ధులకు మాత్రమే ఉచితంగా ఇస్తామని మిగతా వారు కొనుగోలు చేయాల్సిందేనని ప్రకటించేసింది. ఈ వ్యాక్సిన్ వల్ల కొన్ని వేల కోట్ల వ్యాపారాన్ని అతి కొద్ది సమయంలోనే చేయడానికి సీరం ఇనిస్టిట్యూట్ సిద్ధమయింది. మార్కెటింగ్‌లో రాటుదేలిపోయిన ఈ సీరం ఓనర్ అదర్ పూనావాలా.. ఇతర వ్యాక్సిన్లపై నిందలేయడం.. అపనమ్మకం కలిగించడానికి కూడా అప్పుడే మార్కెటింగ్ స్ట్రాటజీ పాటించడం ప్రారంభించారు.
అవన్నీ వేడి నీళ్లు అంటూ రెచ్చిపోవడం ప్రారంభించారు. తర్వాత ఏదోవిధంగా సర్దుబాటు చేసుకున్నప్పటికీ.. ఓ అనుమాన బీజాన్నిఅయితే నాటేశారు. తక్కువకు వచ్చే వ్యాక్సిన్‌లు … నమ్మకమైనవి కాదన్నట్లుగా.. తమవి మాత్రమే… గొప్పవన్నట్లుగా చెప్పడం ప్రారంభించారు. రెండు డోసుల్ని .. ప్రతి ఒక్కరూ రెండు వేలకు కొనుగోలు చేయాల్సి ఉంటుంది. వంద కోట్ల మందిజనాభా… ఒక్కొక్కరు.. రెండు వేల రూపాయల్ని .. వచ్చే రెండు నెలల్లో వ్యాక్సిన్ కోసం వెచ్చిస్తే.. ఎన్ని వేల కోట్ల బిజినెస్ అవుతుందో… తెలిస్తే.. ప్రజలకు ఎంత భారం అవుతుందో అంచనా వేయడం కష్టమేమీ కాదు.
