సావిత్రి ఆత్మ‌క‌థ… ‘మహానటి’ పేరుతో తెర‌కెక్కుతోంది. నాగ అశ్విన్ ద‌ర్శ‌క‌త్వం వ‌హిస్తున్న ఈ చిత్రంలో సావిత్రిగా కీర్తి సురేష్ క‌నిపించబోతున్న సంగ‌తి తెలిసిందే. స‌మంత‌కీ ఓ కీల‌క‌మైన పాత్ర ద‌క్కింది. ఎన్టీఆర్, ఏఎన్నార్ గా ఎవ‌రు క‌నిపిస్తార‌న్న ఆస‌క్తి నెల‌కొంది. ఇప్పుడు ఈ సినిమాకి సంబంధించి మ‌రో ఆస‌క్తిక‌ర‌మైన విష‌యం బ‌య‌ట‌కు వచ్చింది. ప్ర‌ముఖ ద‌ర్శ‌కులు క్రిష్, అవ‌స‌రాల శ్రీ‌నివాస్ ఈ చిత్రంలో `న‌టులు`గా క‌నిపించ‌బోతున్నార్ట. అల‌నాటి ద‌ర్శ‌కులు కెవి రెడ్డి, ఎన్వీ ప్ర‌సాద్ పాత్ర‌ల కోసం వీరిద్ద‌రినీ తీసుకొన్నార‌ని స‌మాచారం. అవ‌స‌రాల ఆల్రెడీ న‌టుడే. న‌ట‌న నుంచి ద‌ర్శ‌క‌త్వం వైపు అడుగులు వేశాడు. క్రిష్ తన సినిమాల్లో అప్పుడ‌ప్పుడూ తెర‌పై మెరుస్తుంటారు. అందుకే ఈ పాత్ర‌ల కోసం వీరిద్ద‌రినీ సంప్ర‌దించార‌ని, ‘సావిత్రి’ సినిమా అందులోనూ హేమా హేమీలు కాబ‌ట్టి… ఆయా పాత్ర‌ల్లో క‌నిపించ‌డానికి రెడీ అయ్యార‌ని టాక్‌. అవ‌స‌రాల, క్రిష్ క‌నిపించేది కాసేపే అయినా, వాటిని ఆక‌ట్టుకొనేలా తీర్చిదిద్దార‌ని స‌మాచారం. క్రిష్, అవ‌స‌రాల రావ‌డంతో.. ఈ సినిమాకి మ‌రో ప్ర‌త్యేక‌త వ‌చ్చి చేరిన‌ట్టైంది. ఎంత మంది వ‌స్తున్నా.. ఎన్టీఆర్ – ఏఎన్నార్ పాత్ర‌లు మాత్రం ఖాళీగా ఉన్నాయి. ఆ రెండు పోస్టులూ భర్తీ అయితే.. `మహానటి` రేంజే వేరేలా ఉంటుంది.
మ‌హాన‌టిలో.. ఈ ఇద్ద‌రు ద‌ర్శ‌కులు..?
