లెజెండ్‌తో తన రూటు మార్చేశాడు జగ్గూభాయ్. ఆ సినిమా త‌న‌కి మరో లైఫ్ ఇచ్చింది. అక్క‌డి నుంచి ప్ర‌తినాయ‌కుడి పాత్ర‌లు, క్యారెక్ట‌ర్ ఆర్టిస్టు పాత్ర‌లు చేసుకుంటూ రెండు చేతులా సంపాదిస్తున్నాడు. అప్పుడ‌ప్పుడు త‌మిళ చిత్ర‌సీమ‌కూ వెళ్లివ‌స్తున్నాడు. ఇప్పుడు జ‌గ్గూభాయ్‌కి బాలీవుడ్ ఆఫ‌ర్ ద‌క్కింది. త్వ‌ర‌లోనే ఓ హిందీ చిత్రంలో మెర‌వ‌బోతున్నాడు జ‌గ‌ప‌తిబాబు. ఈ విష‌యాన్ని జగ్గూభాయ్ స్వ‌యంగా వెల్ల‌డించారు. “ఎప్ప‌టి నుంచో బాలీవుడ్‌లోఓ సినిమా చేయాల‌ని ఆశ. అది ఇప్పుడు తీరింది. ఈ అవ‌కాశం తెచ్చిపెట్టింది కూడా రంగ‌స్థ‌లంలోని ప్రెసిడెంట్ పాత్రే. నా కెరీర్‌లోనే అత్యుత్త‌మ పాత్ర రంగ‌స్థ‌లంలో చేశా. బాలీవుడ్ చిత్రానికి సంబంధించిన విష‌యాలు త్వ‌ర‌లో చెబుతా“ అన్నాడు జగ్గూభాయ్. మ‌రి బాలీవుడ్‌లో కూడా జగ్గూభాయ్ విల‌న్‌గానే క‌నిపిస్తాడో, లేదంటేఅంత‌కు మించిన పాత్ర‌లో షాక్ ఇస్తాడో చూడాలి.
బాలీవుడ్‌కి వెళ్తున్న జ‌గ‌ప‌తిబాబు
