ప్రభాస్ అభిమానులే కాదు, ఇండియ‌న్ సినిమా మొత్తం ఆశ‌గా ఎదురు చూస్తున్న ప్రాజెక్ట్.. ‘క‌ల్కి’. ప్రభాస్ తో పాటు అమితాబ్ బ‌చ్చ‌న్‌, క‌మ‌ల్ హాస‌న్ లాంటి దిగ్గ‌జాలు ఈ సినిమాలో న‌టిస్తున్నారు. ప్రభాస్, అమితాబ్ పాత్ర‌ల‌కు సంబంధించిన ఇంట్ర‌డ‌క్ష‌న్ అయిపోయింది. ఆయ‌న అశ్వ‌ద్ధామ‌గా క‌నిపించనున్నారు. ఇక క‌మ‌ల్ హాస‌న్ పాత్ర తీరు తెన్నుల గురించి తెలియాల్సివుంది. క‌మ‌ల్ పాత్రకు సంబంధించిన గ్లింప్స్ కూడా రెడీ అయ్యింది. త్వ‌ర‌లోనే విడుద‌ల చేస్తారు.
‘క‌ల్కి’లో క‌మ‌ల్ పాత్ర ఎలా ఉండ‌బోతోంద‌న్న విష‌యంపై తెలుగు 360 ఓ ఎక్ల్‌క్లూజీవ్ విష‌యాన్ని రాబ‌ట్టింది. ఇందులో క‌మ‌ల్ పాత్ర పురాణాల్లోని కంశుడికి పోలి ఉంటుంద‌ని స‌మాచారం. కంశుడు రాజ్యం కోసం, అధికారం కోసం ఎంత‌టి నీచానికైనా దిగ‌జారిన‌వాడు. తనకు ప్రాణ గండం ఉందని తెలిసి, క‌డుపులో ఉన్న బిడ్డ‌ని కూడా చంప‌డానికి వెనుకంజ వేయ‌ని వాడు. క‌మ‌ల్ పాత్ర కంశుడ్ని రిఫ‌రెన్స్‌గా తీసుకొని డిజైన్ చేసిన‌ట్టు తెలుస్తోంది. ఆధునియ యుగంలో.. హిట్ల‌ర్ కూడా అంతేగా. రాజ్య‌కాంక్ష‌తో, అధికార దాహంతో ర‌గిలిపోయే ఓ హిట్ల‌ర్ లాంటి క్యారెక్ట‌రైజేష‌న్ క‌మ‌ల్‌లో క‌నిపించ‌నుంద‌ట. ఈ ప్ర‌పంచాన్ని తన గుప్పిట్లో ఉంచుకోవ‌డ‌మే ల‌క్ష్యంగా చేసుకొన్న క్యారెక్ట‌ర్‌లో క‌మ‌ల్ క‌నిపించ‌నున్నార‌ని తెలుస్తోంది. గ్లింప్స్‌లో కూడా ఇదే విష‌యాన్ని ప్ర‌స్తావించే అవ‌కాశం ఉంది. జూన్‌లో `క‌ల్కి` ప్రేక్ష‌కుల ముందుకు వ‌స్తున్న సంగ‌తి తెలిసిందే. ఈ వేస‌విలో విడుద‌ల కాబోతున్న భారీ ప్రాజెక్ట్ ఇదే.
