అటు సినిమా, ఇటు ఓటీటీ.. ఈ రెండింటిపైనా దృష్టి పెడుతున్నారు ఈత‌రం ద‌ర్శ‌కులు. ఈ వ‌రుస‌లో మారుతి ముందుఏ ఉంటారు. `త్రీ రోజెస్` పేరుతో మారుతి నుంచి ఓ వెబ్ సిరీస్ వచ్చింది. ఇప్పుడు మరో వెబ్ సిరీస్‌కి రంగం సిద్ధ‌మైంది. `ఇంటింటి రామాయ‌ణం` పేరుతో ఓ వెబ్ సిరీస్ రూపొందిస్తున్నారు మారుతి. ఇది ఆహా కోసం. మారుతి ఈ వెబ్ సిరీస్ కి నిర్మాత‌గా వ్య‌వ‌హ‌రించ‌బోతున్నారు. స్క్రిప్టు విష‌యంలోనూ ఆయ‌న‌దే హ్యాండ్‌. ఆహాలో వ‌రుస‌గా మూడు వెబ్ సిరీస్‌లుచేయాల‌న్న‌ది ఒప్పందం. త్రీ రోజెస్ తో ఒక‌టి అయిపోయింది. ఇప్పుడు `ఇంటింటి రామాయ‌ణం`. త్వ‌ర‌లోనే మరో వెబ్ సిరీస్‌కీ మారుతి శ్రీ‌కారం చుట్ట‌బోతున్నారు. ఈ రెండు వెబ్ సిరీస్‌ల‌కూ మారుతి ద‌గ్గ‌ర స‌హాయ‌కులుగా ప‌నిచేసిన వాళ్లే ద‌ర్శ‌కులుగా వ్య‌వ‌హ‌రిస్తారు. మారుతి `ప‌క్కా క‌మ‌ర్షియ‌ల్` విడుద‌కు సిద్ధ‌మైంది. రిలీజ్ డేట్ ఇంకా తేల‌లేదు. మ‌రోవైపు ప్ర‌భాస్ కోసం ఆయ‌న ఓ క‌థ రెడీ చేసే ప‌నిలో ఉన్నారు.
మారుతి ‘ఇంటింటి రామాయ‌ణం’
