పివిపి బ్యానర్ లో వంశీ పైడిపల్లి దర్శకత్వంలో నిర్మించబడుతున్న సినిమా ఊపిరి. హాలీవుడ్ ఇన్ టచబుల్స్ సినిమాకు అఫిషియల్ రీమేక్ గా వస్తున్న ఈ సినిమాలో కింగ్ నాగార్జున, కార్తి స్నేహితులుగా నటిస్తుండగా.. తమన్నా కథానాయికగా చేస్తుంది. ప్రస్తుతం చిత్రీకరణ చివరి దశకు చేరుకున్న ఈ సినిమా మీద పూర్తి నమ్మకంతో ఉన్నాడట నాగార్జున.
ఈ సంవత్సరం సంక్రాంతి బరిలో సోగ్గాడే చిన్ని నాయనా అంటూ వచ్చి ట్రెండ్ సెట్టర్ హిట్ సాధించిన నాగార్జున ప్రస్తుతం చేస్తున్న వంశీ పైడిపల్లి ఊపిరి సినిమా మీద స్పెషల్ ఇంట్రెస్ట్ పెడుతున్నాడట. సినిమా రష్ చూసి సినిమా కచ్చితంగా హిట్ కొడుతుందనే భరోసాతో సినిమా బిజినెస్ గురించి డెఫినెట్ హిట్ అంటూ తన సన్నిహితులకు సలహాలు కూడా ఇస్తున్నాడట.
అంతేకాదు ఈ సినిమా రిలీజ్ విషయంలో కూడా నాగార్జున స్పెషల్ ఇంట్రెస్ట్ చూపిస్తున్నాడని టాక్. అందుకే సినిమా సమ్మర్ లో రిలీజ్ చేయాల్సింది మార్చ్ 25న వచ్చేలా ప్లాన్ చేస్తున్నాడట. అయితే ఇదే విషయంలో నాగ్, కార్తిల మధ్య కొంతకాలం చర్చలు జరిగినా చివరకు నాగార్జున మాటే చెల్లింది. మార్చ్ నెల ఆఖరు ఊపిరి రిలీజ్ అవుతుంది. నాగ్ ఫైనల్ గా ఆ డేట్ ను లాక్ చేశాడు. చేస్తున్న సినిమా మీద నమ్మకం ఉంచి దాని మీద హార్డ్ వర్క్ చేస్తే అది కచ్చితంగా సూపర్ హిట్ అవుతుంది అని రీసెంట్ గా తన సినిమా ద్వారానే చూపించారని నమ్ముతున్నాడు నాగార్జున. మరి నాగ్ స్పెషల్ ఇంట్రెస్ట్ ఊపిరి సినిమా మీద క్రేజ్ తీసుకువచ్చినా సినిమా సూపర్ హిట్ అవ్వాలంటే కథలో దమ్ము, దర్శక నిర్మాతల కృషి చాలా అవసరం.
