‘ర‌గ‌డ’ సినిమాలో నాగార్జున, ప్రియ‌మ‌ణి జంట‌గా క‌నిపించారు. 2010లో విడుద‌లైన సినిమా ఇది. ఆ త‌ర‌వాత నాగ్, ప్రియ‌మ‌ణి క‌లిసి న‌టించ‌లేదు. ఇప్పుడు 14 ఏళ్ల త‌ర‌వాత ఈ జోడీని తెర‌పై చూసే అవ‌కాశం ద‌క్క‌బోతోంది. నాగార్జున క‌థానాయ‌కుడిగా సుబ్బు అనే ఓ కొత్త ద‌ర్శ‌కుడితో ఓ సినిమా ప‌ట్టాలెక్క‌బోతోంది. ఇదో కోర్ట్ రూమ్ డ్రామా. ఇందులో నాగ్ లాయ‌ర్‌గా క‌నిపించ‌బోతున్నాడు. ఆయ‌నకు జోడీగా ప్రియ‌మ‌ణి క‌నిపించ‌బోతోంది. ప్రియ‌మ‌ణి క్యారెక్ట‌ర్ రెగ్యుల‌ర్ హీరోయిన్ పాత్ర‌ల‌కు చాలా భిన్నంగా ఉండ‌బోతోంద‌ని, ఓ సీరియస్ ట‌చ్‌తో సాగ‌బోతోంద‌ని స‌మాచారం. వెట‌ర‌న్ హీరోయినే ఈ పాత్ర‌కు న్యాయం చేస్తుంద‌న్న ఉద్దేశంతో ప్రియ‌మ‌ణిని ఎంచుకొన్నార‌ని తెలుస్తోంది. ‘జై భీమ్‌’, ‘నెరు’, ‘నాంది’ ఫార్ములాలో సీరియ‌స్‌గా సాగే కోర్ట్ రూమ్ డ్రామా ఇది. ఓ బ‌ల‌మైన సామాజిక అంశాన్ని ఈ క‌థ‌లో ప్ర‌స్తావించ‌బోతున్నార్ట. `నా సామిరంగ`తో ఈ సంక్రాంతి హిట్టు కొట్టిన నాగ్.. అదే ఉత్సాహంలో ఈ సినిమాకీ త్వ‌ర‌లోనే కొబ్బ‌రికాయ కొట్ట‌బోతున్నాడు. మ‌రోవైపు ధ‌నుష్, శేఖ‌ర్ క‌మ్ముల సినిమాలో డాన్‌గా క‌నిపించ‌బోతున్న సంగ‌తి తెలిసిందే.
నాగ్‌తో ప్రియ‌మ‌ణి?
