‘పుష్ప 2’ … టీజ‌ర్‌కే రూ.3 కోట్లు

పుష్ప సూప‌ర్ డూప‌ర్ హిట్ అవ్వ‌డంతో పుష్ప 2పై భారీ అంచ‌నాలు ఏర్ప‌డ్డాయి. సుకుమార్ కూడా దానికి త‌గ్గ‌ట్టుగానే అన్ని ర‌కాల జాగ్ర‌త్త‌లూ తీసుకొంటున్నాడు. ఈ సినిమా షూటింగ్ ఇంకా మొద‌లు కానేలేదు. అప్పుడే హైప్ పెరిగిపోయింది. సుకుమార్ కూడా.. ప్యాన్స్‌ని ఊరిస్తూనే ఉన్నాడు. పుష్ప 2లో మ‌రిన్ని స్పెష‌లాఫ్ అట్రాక్ష్‌న్స్ చేర్చే ప‌నిలో ఉన్నాడు. ఇప్పుడు ఓ బుల్లి టీజ‌ర్ కూడా రాబోతోంది. ఈనెల 16న అవ‌తార్ 2 ప్ర‌పంచ వ్యాప్తంగా విడుద‌ల కాబోతున్న సంగ‌తి తెలిసిందే. ఈ సినిమాతో పాటుగా పుష్ప గ్లిమ్స్ ని కూడా విడుద‌ల చేయ‌బోతున్నారు. టీజ‌ర్ కు సంబంధించిన స్పెష‌ల్ షూట్ కూడా పూర్త‌యిపోయింది. దీనికి ఏకంగా రూ.3 కోట్ల వ‌ర‌కూ ఖ‌ర్చు చేశార‌ని టాక్‌. సాధార‌ణంగా సినిమా అంతా పూర్త‌య్యాక‌.. అందులో కొంత భాగాన్ని టీజ‌ర్ షాట్స్ రూపంలో క‌ట్ చేస్తారు. `పుష్ప 2` గ్లిమ్స్ మాత్రం అలా కాదు. కేవ‌లం గ్లిమ్స్ కోసమే ప్ర‌త్యేకంగా షూట్ చేశారు. దానికి సంబంధించిన డ‌బ్బింగ్‌, ఆర్‌.ఆర్ కార్య‌క్ర‌మాలు కూడా పూర్త‌య్యాయి. 16న అవ‌తార్ 2 ఆడుతున్న‌ థియేట‌ర్ల‌లో విడుద‌ల చేసి, 17న సోష‌ల్ మీడియాలో వ‌దిలేసే ఆలోచ‌న‌లో చిత్ర బృందం ఉన్న‌ట్టు స‌మాచారం.