తెలుగులో మ‌ళ్లీ మెల్లిమెల్లిగా అవ‌కాశాల్ని అందిపుచ్చుకొంటోంది రెజీనా. ప్ర‌స్తుతం జో అత్యుతానంత మూవీలో నారా రోహిత్‌తో క‌ల‌సి న‌టిస్తోంది. ఆ చిత్రానికి అవ‌స‌రాల శ్రీనివాస్ ద‌ర్శ‌కుడు. ఇప్పుడు అదే ద‌ర్శ‌కుడితో వెండితెర‌పై రొమాన్స్ చేయ‌బోతోంది రెజీనా. హిందీలో ఘ‌న విజ‌యం సాధించిన చిత్రం హంటర్. ఈ సినిమాని ఇప్పుడు తెలుగులో రీమేక్ చేయ‌బోతున్న‌ట్టు టాక్‌. న‌వీన్ ద‌ర్శ‌కుడిగా ప‌రిచ‌యం అవుతున్నాడు. ఇందులో అవ‌స‌రాల శ్రీనివాస్, రెజీనా జంట‌గా న‌టిస్తున్నార్ట. సెక్స్ మానియా ఉన్న యువ‌కుడిగా అవ‌స‌రాల శ్రీనివాస్ క‌నిపించ‌నున్నాడు. బాలీవుడ్లో కాస్త ఘాటుగా తీసిన సినిమా ఇది. తెలుగు ప్రేక్ష‌కుల అభిరుచికి త‌గ్గ‌ట్టుగా ఆ డోసు కాస్త త‌గ్గిస్తున్నార‌ని తెల‌స్తోంది. మ‌రోవైపు న‌క్ష‌త్రం మూవీలోనూ కీ రోల్ చేస్తోంది. అంటే రెజీనా చేతిలో ఉన్న మూడో సినిమా ఇద‌న్న‌మాట. మొత్తానికి రెజీనా ఫామ్ లోకి వ‌చ్చిన‌ట్టే. ఈ సినిమాల్లో ఒక్క‌టి హిట్ట‌యినా మ‌ళ్లీ రెజీనా రేసులోనికి రావ‌డం ఖాయం. అతి త్వ‌ర‌లో హంటర్ మూవీ సెట్స్‌పైకి వెళ్ల‌బోతోంది. పూర్తి వివ‌రాలు మ‌రి కొద్ది రోజుల్లో తెలుస్తాయి.
ద‌ర్శ‌కుడితో రెజీనా రొమాన్స్
