టాలీవుడ్ క్యాలెండర్ లో రెండు నెలలు గడిచిపోయినట్లే. ఈ రెండు నెల్లల్లో యునానిమస్ బ్లాక్ బస్టర్ అనిపించుకున్న సినిమా ‘హనుమాన్’ ఒక్కటే. ఎన్నో అంచనాలతో వచ్చిన గుంటూరు కారం అనుకున్న విజయాన్ని అందివ్వలేకపోయింది. మిగతా సంక్రాంతి సినిమాలు నా సామిరంగా, సైంధవ్ కూడా పెద్ద ప్రభావాన్ని చూపలేదు. ఫిబ్రవరి కూడా చప్పగానే వుంది. దీంతో పరిశ్రమ సమ్మర్ సినిమాలపైనే ఆశలు పెట్టుకుంది.
అయితే సమ్మర్ సినిమాలు మూడు సవాళ్ళు వున్నాయి. ఈ సమ్మర్ ఎలక్షన్ సీజన్. ఇప్పటికే ఎన్నికల వేడిరాజుకుంది. సీట్ల పంపంకంతో ఎలక్షన్ ఫీవర్ పెరిగింది. ప్రస్తుతం జనాలు పొలిటికల్ మూడ్ లో వున్నారు. మరోపక్కా ఐపీయల్ సిద్దమౌతోంది. ఏడాదిలో ఇదొక బిగ్గెస్ట్ ఎంటర్ టైన్మెంట్. ఈ దాడి కూడా రంజుగా ఉండబోతుంది. ఐపీయల్ మొదలయ్యాక చాలా మంది మరో వినోదం జోలికి వెళ్లరు. పైగా వీకెండ్స్ లో రెండేసి మ్యాచుల చొప్పున అలరిస్తాయి. మరో సవాల్ పరీక్షలు. సమ్మర్ ఎగ్జామ్ టైం. రకరకాల ఎంట్రన్స్ టెస్ట్ లు కూడా ఈ సీజన్ లో వుంటాయి. ఈ రకంగా ఈ ఏడాది సమ్మర్ సినీ వినోదాలు మూడు సవాళ్ళు ఎదురుగా వున్నాయి.
బహుసా దీని కారణంగా సమ్మర్ లో విడుదల ఆనుకున్న చాలా సినిమాలు వాయిదాల వైపు చుస్తున్నాయి. ఇప్పటికే ఎన్టీఆర్ దేవర వెనక్కి వెళిపోయింది. ఏప్రిల్ లో రావాల్సిన ఈ సినిమాని దసరాకి విడుదల చేస్తున్నట్లు ప్రకటించారు. ప్రస్తుతానికి ఏప్రిల్ లిస్టు లో విజయదేవర ఫ్యామిలీ స్టార్ ఒక్కటే ప్రామెసింగ్ సినిమాగా కనిపిస్తుంది. మే 9న ప్రభాస్ కల్కి అంటున్నారు కానీ ఇంకా పక్కా కాలేదు. మొత్తానికి చాలా ఆశలుపెట్టుకున్న సమ్మర్ ఈఏడాది పెద్ద సందడి లేకుండానే ముగిసిపోనుందనే సూచనలు కనిపిస్తున్నాయి ప్రస్తుత పరిస్థితులు చూస్తుంటే.
