చంద్రబాబు నాయుడు అధికారంలో ఉంటే ఎక్కువగా ప్రజల్లో చర్చ జరిగేది అభివృద్ధి పనుల గురించే. ఆయన సంక్షేమం గత ప్రభుత్వాల కన్నా ఎక్కువగా చేసినా అభివృద్ధి గురించే మాట్లాడతారు. ఇందులో నుంచే రకరకాల ధీయరీలు సృష్టిస్తారు. అన్నీ రెండువైపులా ఉంటాయి. అలాంటి ధీయరీలను ఎవరు సృష్టిస్తారో కానీ తెలుగుదేశం పార్టీ సభ్యులు కూడా అందులో భాగమైపోతారు. అలాంటి థీయరీలను ఇప్పుడు కూడా అమల్లోకి తెస్తున్నారు. టీడీపీ సభ్యులు అందులో భాగమవుతున్నారు.
అప్పట్లో హైదరాబాద్ మాత్రమే అభివృద్ధి చేశారనే ప్రచారం
ఉమ్మడి రాష్ట్ర సీఎంగా చంద్రబాబు ఉన్నప్పుడు హైదరాబాద్ ను మాత్రమే అభివృద్ధి చేశారని అందుకే రాష్ట్ర విభజన ఉద్యమం వచ్చిందని కొంత మంది ప్రచారం చేస్తూ ఉంటారు. ఉమ్మడి రాష్ట్రం ఆర్థికంగా నిలదొక్కుకోవాలంటే ఓ ఆర్థిక ఇంజన్ ఉండాలని చంద్రబాబు చేసిన ప్రయత్నాన్ని ఇలాంటి ధీయరీల ద్వారా చాలా నష్టం చేశారు. ఇప్పుడు అలాంటి తప్పు జరగకుండా.. రాజధాని అమరావతితో పాటు అన్ని ప్రాంతాల అభివృద్ధి కోసం.. ప్రయత్నిస్తున్నారు. విశాఖలో టెక్, రాయలసీమలో తయారీ పరిశ్రమలు పెడుతున్నారు. అందుకే ఇప్పుడు విభిన్నమైన ప్రచారాలు తెరపైకి తెస్తున్నారు. రాజధానిని ఖరారు చేసి.. అక్కడకు పెట్టుబడులు రానివ్వడం లేదని విశాఖలో పెడుతున్నారని అంటున్నారు. అమరావతిని నిర్లక్ష్యం చేస్తున్నారని అంటున్నారు.
పెట్టుబడులు తెచ్చినా.. పని చేసినా నెగెటివ్ ప్రచారాలే !
చంద్రబాబునాయుడు పెట్టుబడులు తెస్తే.. ఒక ప్రాంతానికే తెచ్చారని అంటారు. తీసుకురాకపోతే అసలు తీసుకురాలేదంటాంరు. పెట్టుబడుల కోసం సదస్సు నిర్వహిస్తే వృధా ఖర్చు అంటారు. చేయకపోతే చంద్రబాబు పని చేయడం లేదు అంటారు. చంద్రబాబు ఏదైనా విపత్తు సమయంలో ఓవర్ టైం పని చేస్తే.. ఆయనది ప్రచార పిచ్చిఅంటారు. పని చేయకుండా ఉంటే.. పని చేయలేదంటారు. ఇలా రకరకాల నేరేటివ్స్ తో చంద్రబాబును జడ్జ్ చేయడం కామన్ అయిపోయింది. ఇప్పుడు కూడా అదే పరిస్థితి కనిపిస్తోంది. చంద్రబాబు పని తీరులో.. ఆలోచనల్లో అప్పుడూ.. ఇప్పుడూ పెద్దగా మార్పు రాలేదు. ఆయన తన శక్తి మేర రాజకీయం అంటే ప్రజల బతుకుల్ని మార్చడమే అన్న కోణంలో పని చేస్తున్నారు. కానీ ఆయన్ని జడ్జ్ చేస్తూ.. రకరకాల నేరెటివ్స్ తో .. ప్రజల మైండ్స్ ఖరాబు చేస్తూ.. పోయే రాజకీయ నిరుద్యోగుల సంఖ్య పెరుగుతోంది.
ఈ ట్రాప్‌లో టీడీపీ వాళ్లు పడకూడదు !
ఇతర సీఎంలు అధికారంలో ఉన్నప్పుడు ఎలాంటి అజెండా ఉంటుంది.. చంద్రబాబు సీఎంగా ఉంటే ఎలాంటి అజెండా ఉంటుందో ఒక్క సారి గుర్తు చేసుకుంటే.. అసలు తేడా ప్రజలకు..టీడీపీ కార్యకర్తలకు తెలుస్తుంది. జగన్ హయాంలో ఐదు సంవతర్సరాల పాటు అరాచకాలే జరిగాయి. ఎప్పుడూ అవే ప్రధాన వార్తలు. కానీ ఇప్పుడు.. అన్నీ అభివృద్ధి పనులు, ప్రజల బతుకులు మార్చే నిర్ణయాలే. విపక్ష పార్టీలుకూడా వీటి మీదే ఆరోపణలు చేస్తాయి. వీటిని అడ్డం పెట్టుకునే ప్రజల్లో వ్యతిరేకత పెంచే నేరెటివ్స్ అమలు చేస్తాయి. ఈ ట్రాప్ లో టీడీపీ కార్యకర్తలు పడుతున్నారు. అదే చంద్రబాబు బ్యాడ్ లక్.
