గోపీచంద్ – బి.గోపాల్ క‌ల‌యిక‌లో రూపుదిద్దుకొన్న చిత్రం ఆర‌డుగుల బుల్లెట్. ఈ చిత్రం శుక్ర‌వారం విడుద‌ల అవ్వాల్సింది. అయితే… అనుకొన్న‌ట్టుగా ఈ సినిమా విడుద‌ల అవుతుందా? లేదా? అనే విష‌యంపై ఇంకా క్లారిటీ రాలేదు. కొద్ది గంట‌ల్లో సినిమా విడుద‌ల అవ్వాల్సివుంది. అయితే… ఆర్థిక ప‌ర‌మైన ఇబ్బందుల దృష్ట్యా ఆర‌డుగుల బుల్లెట్ విడుద‌ల‌కు ఇంకా క్లియ‌రెన్స్ రాలేదు. ప్ర‌స్తుతం పీవీవీ సంస్థ… ఫైనాన్పియ‌ర్ల‌తో మీటింగ్ పెట్టింది. ‘మా డ‌బ్బులు ఇస్తే గానీ.. ఈ సినిమాని విడుద‌ల కానివ్వం’ అంటూ అప్పుల వాళ్లు గొడ‌వ చేస్తున్నార‌ని తెలుస్తోంది. అయితే డ‌బ్బుల్ని తిరిగి ఇచ్చే ప‌రిస్థితిలో నిర్మాత లేడు. మ‌రోవైపు ఈ సినిమాకి సంబంధించిన ఆర్థిక ప‌ర‌మైన లావాదేవీల‌ను చూస్తున్న పీవీపీ కూడా చేతులు ఎత్తేసిన‌ట్టే క‌నిపిస్తోంద‌ని స‌మాచారం. ప‌రిస్థితి చూస్తుంటే… శుక్ర‌వారం ఈ సినిమా విడుద‌ల అవ్వ‌డం అనుమాన‌మే అని స‌న్నిహిత వ‌ర్గాలు చెబుతున్నాయి. రూ.6 కోట్లు అప్పు ఇచ్చిన ఎన్ ఆర్ ఐకి మాత్రం పీవీపీ కొంత మొత్తం ఇచ్చి కూల్ చేసిన‌ట్టు తెలుస్తోంది. మిగిలిన వాళ్లకు మాత్రం డ‌బ్బులు స‌ర్ద‌క‌పోవ‌డంతో.. బుల్లెట్ సినిమా ఆగిపోయే ప్ర‌మాదంలో చిక్కుకొంది.
తెగ‌ని పంచాయితీలు.. బుల్లెట్ డౌట్‌?
