నందమూరి నట సింహం 99వ సినిమా డిక్టేటర్ విజయవంతంగా ప్రదర్శితమవుతుంది. సంక్రాంతి సినిమాల్లో మరోసారి తన సత్తా చాటిన బాలయ్య ఇక తన వందో సినిమా మీద చర్చలు నడుపుతున్నాడు. చరిత్రలో మిగిలిపోయేలా బాలయ్య వందో సినిమా ఉంటుందని తెలుసు.. అయితే ఆదిత్య 369 సీక్వల్ ఇప్పటికే బాలయ్య తర్వాత సినిమాగా ఓకే చేయబడ్డా ఇటీవల అనీల్ రావిపూడి చెప్పిన కథ నచ్చడంతో పచ్చ జెండా ఊపేశాడట బాలయ్య. స్క్రిప్ట్ ఫైనల్ చేసుకు రమ్మని చెప్పాడట పటాస్ డైరక్టర్ అనీల్ రావిపూడికి.
రామారావుగారుగా వస్తున్న ఈ సినిమాలో బాలయ్యను ఓ పవర్ ఫుల్ పోలీస్ పాత్రలో చూపించబోతున్నాడట అనీల్. తన మొదటి సినిమా పటాస్ లో కూడా కళ్యాన్ రాం ను పోలీస్ పాత్రలోనే చూపించి హిట్ కొట్టాడు ఈ దర్శకుడు. ఇప్పుడు మరోసారి బాలయ్యను కూడా అదే కాప్ పాత్రలో చూపించబోతున్నాడట. అయితే అనీల్ కథ మెచ్చిన బాలయ్య ఆ సినిమాను వందో సినిమాగా చేస్తాడా లేక 101 వ సినిమాగా చేస్తాడా అన్నది ఇంకా తెలియలేదు. ఇప్పటికైతే బాలయ్య వందో సినిమా ఆదిత్య 999 అనే గట్టిగా చెబుతున్నారు.
పటాస్ సినిమా హిట్ తర్వాత ప్రస్తుతం సాయి ధరం తేజ్ సుప్రీం సినిమాను దర్శకత్వం చేస్తున్నాడు అనీల్ రావిపూడి.. ఇటీవల సాయి పుట్టినరోజు సందర్భంగా విడుదల చేసిన సుప్రీం టీజర్ కూడా చాలా ఇంప్రెసివ్ గా ఉంది. మొత్తానికి మూడో సినిమానే బాలయ్య లాంటి స్టార్ హీరోతో అవకాశం కొట్టేశాడంటే దర్శకుడు అనీల్ రావిపూడి వెరీ లక్కీ అని చెప్పొచ్చు.
