టీడీపీలోకి చలమలశెట్టి సునీల్..!

తూర్పుగోదావరి జిల్లాలో వైఎస్ఆర్ కాంగ్రెస్ పార్టీకి పెద్ద షాక్ తగలడం ఖాయంగా కనిపిస్తోంది. ఆ పార్టీ తరపున కాకినాడ ఎంపీ అభ్యర్థి అవుతారనుకున్న చలమలశెట్టి సునీల్.. తెలుగుదేశం పార్టీలో చేరాలని నిర్ణయించుకున్నారు. మంగళవారం టీడీపీ అధినేతను కలిశారు. పార్టీలో చేరేందుకు సంసిద్ధత తెలిపారు. వచ్చే నెల రెండో వారంలో.. ఆయన టీడీపీలో చేరనున్నారు. చలమలశెట్టి సునీల్ 2014 ఎన్నికల్లో కాకినాడ నుంచి వైసీపీ తరపున పోటీ చేసి ఓడిపోయారు. అంతకు ముందు 2009లోనూ.. పీఆర్పీ అభ్యర్థిగా అదే స్థానం నుంచి పోటీ చేసి ఓడిపోయారు. రెండు సార్లు కూడా .. స్వల్ప తేడాతోనే ఆయన పరాజయం పాలయ్యారు. ఆ తర్వతా వైసీపీలో యాక్టివ్‌గా ఉన్నా… జగన్ మాత్రం ప్రాధాన్యత ఇవ్వలేదు.

ఇటీవలి కాలంలో తూర్పుగోదావరి వైసీపీలో పరిస్థితి పూర్తిగా మారిపోయింది. కొంత మంది పార్టీని గుప్పిట పట్టే ప్రయత్నం చేస్తున్నారు. దాంతో సునీల్‌కు ప్రాధాన్యత ఇవ్వడం తగ్గించేశారు. జగన్‌ పాదయాత్రకు కూడా సునీల్ దూరంగా ఉన్నారు. ప్రధాన సామాజిక వర్గానికి చెందిన సునీల్‌ను పార్టీలోనే ఉంచేందుకు పెద్దగా ప్రయత్నాలు చేయలేదు. దానికి కారణం ద్వారంపూడి చంద్రశేఖర్ రెడ్డి పెత్తనమే కారణమని సునీల్ వర్గీయులు చెబుతున్నారు. వైసీపీ కాకినాడ సిటీ కోఆర్డినేటర్‌ ద్వారంపూడి చంద్రశేఖరరెడ్డి.. ముందు నుంచీ వైఎస్‌ కుటుంబంతో అత్యంత సన్నిహితంగా ఉన్నారు. జగన్‌తో ఆయనకు వ్యాపార సంబంధాలు కూడా ఉన్నాయి. దాంతో ద్వారంపూడిని కాదని సునీల్‌కు ప్రాధాన్యత ఇవ్వక.. ఆయనను వదులుకున్నారు జగన్.

వైసీపీ కాకినాడ లోక్‌సభ కోఆర్డినేటర్‌గా ఉన్న చలమలశెట్టి సునీల్‌.. జిల్లా రాజకీయాలలో ప్రాధాన్యం ఉన్న సామాజిక వర్గం. పార్టీలకు అతీతంగా సునీల్‌కి సన్నిహిత సంబంధాలు ఉన్నాయి. పారిశ్రామిక కుటుంబానికి చెందిన సునీల్‌కి ఈ జిల్లాలో ముఖ్యంగా మెట్ట ప్రాంతంలో మంచి పట్టుంది. ఇవన్నీ జగన్‌కి తెలిసినా.. పరోక్షంగా ద్వారంపూడికే సపోర్టు చేశారు. రాజ్యసభ ఎన్నికలకు ముదే టీడీపీలో చేరుతారన్న ప్రచారం జరిగింది. మూడో అభ్యర్థిగా సునీల్‌ను నిలబెడతారని చెప్పుకున్నారు. కానీ అప్పట్లో మూడో అభ్యర్థిని టీడీపీ నిలబెట్టలేదు. ప్రస్తుత కాకినాడ ఎంపీ తోట నరసింహం.. ఈ సారి పోటీకి దూరంగా ఉండాలని అనుకుటున్నారు. ఏదో ఓ అసెంబ్లీ స్థానం నుంచి తన భార్య, మెట్ల సత్యనారాయణ కుమార్తె అయిన శ్రీవాణిని నిలబెట్టాలనుకుంటున్నారు. దాంతో సునీల్‌కు కాకినాడ సీటు ఖరారయ్యే అవకాశాలే ఎక్కువగా ఉన్నాయని టీడీపీ నేతలు చెబుతున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మధ్యప్రదేశ్ సీన్ రాజస్థాన్‌లోనూ రిపీట్ అవుతోందా..?

జ్యోతిరాదిత్య సింధియా తన వర్గం ఎమ్మెల్యేలతో బీజేపీలో చేరిపోవడంతో మధ్యప్రదేశ్‌లో కాంగ్రెస్ ప్రభుత్వం కూలిపోయి... బీజేపీ ప్రభుత్వం ఏర్పడింది. పదిహేనేళ్ల సుదీర్ఘ విరామం తర్వాత... పట్టుమని ఏడాది కూడా ఉండలేకపోయింది. ఇప్పుడు అదే...

లాక్‌డౌన్ దిశగా రాష్ట్ర ప్రభుత్వాల ఆలోచనలు..!

వైరస్ దెబ్బకు మళ్లీ షట్‌డౌన్ ఆలోచనలు చేస్తున్నాయి ప్రభుత్వాలు. కర్ణాటక ప్రభుత్వం బెంగళూరులో వారం పాటు కంప్లీట్ లాక్ డౌన్ ప్రకటించేసింది. అక్కడ ఇప్పటికే వారంతాల్లో లాక్ డౌన్ అమలవుతోంది. అయినా.. అనూహ్యంగా.....

సినీ అవకాశం పేరిట “జబర్దస్త్” చీటింగ్

సినిమా ఇండస్ట్రీలో వేషాలు ఇప్పిస్తామంటూ చెప్పి యువతీ యువకులను మోసం చేయడం ఎప్పట్నుంచో జరుగుతున్నదే. యువతీయువకుల దగ్గరనుండి సినిమా అవకాశాలు పేరిట డబ్బులు గుంజడం, యువతుల పై లైంగిక వేధింపులకు పాల్పడడం వంటి...

వెబ్ సిరీస్‌గా ‘మైదానం’

క‌థ‌ల కొర‌త.. కొర‌త అంటుంటారు గానీ, వెద‌కాలే కానీ, మ‌న చుట్టూనే బోలెడ‌న్ని క‌థ‌లు. మ‌న సాహిత్యంలో ఎన్నో గొప్ప పాత్ర‌లు, న‌వ‌ల‌లు. వాటిని వాడుకోవడం తెలియాలంతే. ఓటీటీ వేదిక‌లు వ‌చ్చాక‌.. కంటెంట్,...

HOT NEWS

[X] Close
[X] Close