పెద్ద నోట్ల ర‌ద్దు మెల్ల‌మెల్ల‌గా సినిమా రంగంపై ప్ర‌భావాన్ని చూపించ‌డం మొద‌లెట్టింది. ఇప్ప‌టికే కొన్ని సినిమాల చిత్రీక‌ర‌ణ‌లు మెల్ల‌మెల్ల‌గా సాగుతున్నాయి. షూటింగ్ మొద‌ల‌వ్వాల్సిన చిత్రాలు కొన్ని వెనుక‌డుగు వేస్తున్నాయి. ఈ జాబితాలో అల్లరి న‌రేష్ సినిమా కూడా చేరింది. న‌రేష్ క‌థానాయ‌కుడిగా ‘అలా ఎలా’ తో ఆక‌ట్టుకొన్న అనీష్ కృష్ణ ద‌ర్శక‌త్వంలో ఓ చిత్రం తెర‌కెక్క‌నున్న సంగ‌తి తెలిసిందే. మ‌ల‌యాళ చిత్రానికి రీమేక్ ఇది. డిసెంబ‌రు నుంచి చిత్రీక‌ర‌ణ మొద‌లవ్వాల్సివుంది. అయితే ఈ సినిమా మేకి వాయిదా ప‌డింద‌ని టాక్‌. నిర్మాత ద‌గ్గ‌ర ప్రొడ‌క్ష‌న్ కి కావ‌ల్సిన `వైట్` లేకపోవ‌డం, త‌న‌యడికి పెళ్లి కుద‌ర‌డంతో.. ఈ సినిమా నిర్మాణం వాయిదా వేయాల‌ని నిర్ణ‌యించుకొన్నాడ‌ని తెలుస్తోంది. అంతేకాదు.. ఈ చిత్రంలో క‌థానాయిక‌గా అమ‌లాపాల్‌ని ఎంచుకొన్నారు. అమ‌ల ఫిబ్ర‌వ‌రి దాటిన త‌ర‌వాతే కాల్షీట్లు ఇస్తాన‌ని చెప్పింద‌ట. దాంతో ప‌రిస్థితులు స‌ద్దుమ‌ణిగాకే చిత్రీక‌ర‌ణ మొద‌లెట్టాల‌ని చిత్ర‌బృందం నిర్ణ‌యం తీసుకొన్న‌ట్టు తెలుస్తోంది. ఇప్ప‌టికే ఇంట్లో దెయ్యం నాకేం భ‌య్యం సినిమా విడుద‌ల కేవ‌లం ‘నోట్ల ర‌ద్దు’ కార‌ణంతోనే వెనక్కి వెళ్లిపోయింది. ఇప్పుడు మరో దెబ్బ. పెద్ద నోట్ల ర‌ద్దు అల్లరి న‌రేష్ పై బాగా ఎఫెక్ట్ చూపించింద‌న్న‌మాట.
అల్ల‌రోడి సినిమా ఆగిపోయింది
