ఈ సంక్రాంతి క‌చ్చితంగా మైత్రీ మూవీస్‌దే. ఈ సంస్థ నుంచి వ‌చ్చిన వీర సింహారెడ్డి, వాల్తేరు వీర‌య్య హిట్ జాబితాలో చేరిపోయాయి. ఒకేసారి ఇద్ద‌రు స్టార్ హీరోల‌తో సినిమాలు నిర్మించి, ఒక రోజు వ్య‌వ‌ధిలో విడుద‌ల చేసి, హిట్ కొట్టిన అరుదైన ఘ‌న‌త మైత్రీ సాధించింది. ఈ విజ‌యాల్లో… ద‌ర్శ‌కులు గోపీచంద్ మ‌లినేని, బాబీల వాటా త‌క్కువేం కాదు. త‌మ అభిమాన హీరోల్ని అభిమానుల‌కు న‌చ్చేలా చూపించి, హిట్లు కొట్టారు. ఇప్పుడు వీరిద్ద‌రూ మ‌ళ్లీ మైత్రీలోనే ప‌ని చేయ‌బోతున్నారు.
అవును.. గోపీచంద్ మ‌లినేని, బాబిల త‌దుప‌రి చిత్రాలు మైత్రీలోనే. ఇప్ప‌టికే ఈ ఇద్ద‌రు ద‌ర్శ‌కులూ క‌థ‌లు రెడీ చేసేసుకొన్నారు. హీరోల‌కు చెప్పి ఒప్పించ‌డ‌మే త‌రువాయి. మైత్రీ చేతిలో అగ్ర హీరోల డేట్లు ఉన్నాయి. కాక‌పోతే… టైమ్ కుద‌రాలంతే. హీరోలంతా ర‌క‌ర‌కాల ప్రాజెక్టుల‌తో బిజీగా ఉన్నారు. బాబి, గోపీచంద్ క‌థ‌ల‌కు ఏ హీరోలు సెట్ అవుతారో చూసుకొని, ఆ హీరోల కాల్షీట్లు సంపాదించుకోవ‌డం పెద్ద టాస్క్‌. గోపీచంద్ మ‌లినేని కైతే ప‌వ‌న్‌తో ఓ సినిమా చేయాల‌ని ఉంది. మ‌రి ప‌వ‌న్ దొరుకుతాడో? లేదో..?
