యంగ్ టైగర్ ఎన్టీఆర్ హీరోగా త్రివిక్రమ్ శ్రీనివాస్ దర్శకత్వంలో హారిక అండ్ హాసిని క్రియేషన్స్ సంస్థ నిర్మిస్తున్న సినిమా ‘అరవింద సమేత’. వీరరాఘవ… అనేది కాప్షన్. ఈ సినిమాలో ‘దువ్వాడ జగన్నాథమ్’ ఫేమ్ పూజా హెగ్డే హీరోయిన్. ఆమెతో పాటు కథలో మరో కథానాయికకు చోటుందని తెలుస్తోంది. ఆ పాత్రకు తెలుగమ్మాయ్ ఈషా రెబ్బాను ఎంపిక చేశారు. ‘అమీ తుమీ’లో ఈషా నటన దర్శకుడు త్రివిక్రమ్‌కి నచ్చిందట. అందులో ఆమె పాత్ర చూసే ‘అరవింద సమేత’లో అవకాశం ఇచ్చార్ట. ప్రస్తుతం ఈ సినిమా షూటింగ్ హైదరాబాద్‌లో జరుగుతోంది. ఎన్టీఆర్, ఇతర ప్రధాన తారాగణంపై కీలక సన్నివేశాలు చిత్రీకరిస్తున్నారు. ఈ రోజు నుంచి ఈషా షూటింగులో జాయిన్ అవుతున్నారు. ఆమె పాత్ర ఎలా వుంటుందో మరి! రాయలసీమ ఫ్యాక్షన్ నేపథ్యంలో రూపొందుతోన్న ఈ సినిమాలో నాగబాబు, జగపతిబాబు తదితరులు కీలక పాత్రలు చేస్తున్నారు. ఈ సినిమాకి తమన్ సంగీత దర్శకుడు.
ఎన్టీఆర్ ‘అరవింద సమేత..’లో తెలుగమ్మాయ్!
