మోక్ష‌జ్ఙ‌ దానికే ప‌రిమిత‌మా?

నంద‌మూరి బాల‌కృష్ణ వందో చిత్రంలో మోక్ష‌జ్ఞ స‌హాయ ద‌ర్శ‌కుడిగా ప‌నిచేయ‌బోతోతున్న సంగ‌తి తెలిసిందే. మొరాకో లో జరిగిన షెడ్యూల్ కి మోక్ష‌జ్ఞ వెళ్లినా..స‌హాయ ద‌ర్శ‌కుడిగా ఎలాంటి బాధ్య‌తా తీసుకోలేదు. అయితే ఈనెల 20 నుంచి హైద‌రాబాద్ లో జ‌ర‌గ‌బోయే షెడ్యూల్ నుంచి ఈ సినిమా చివ‌రి రోజు షూటింగ్ వ‌ర‌కూ… మోక్ష‌జ్ఞ స‌హాయ ద‌ర్శ‌కుడిగా ప‌నిచేయ‌బోతున్నాడ‌ని విశ్వ‌స‌నీయ వ‌ర్గాల స‌మాచారం. అయితే ఈ సినిమాలో మోక్షజ్ఞ ఓ చిన్న పాత్ర‌లో క‌నిపించ‌నున్నాడ‌ని ఫిల్మ్‌న‌గ‌ర్‌లో గుస‌గుస‌లు వినిపిస్తున్నాయి. బాల‌య్య‌కు ఇది మైలురాయిలాంటి చిత్రం. ఈ సినిమాతోనే మోక్ష‌జ్ఞ కూడా ఎంట్రీ ఇస్తే.. బాగుంటుంద‌ని చిత్ర‌బృందం భావిస్తోంద‌ట‌.

అయితే బాల‌య్య మాత్రం అందుకు `నో` చెప్పిన‌ట్టు తెలుస్తోంది. మోక్ష‌జ్ఞ‌ని స‌హాయ ద‌ర్శ‌కుడి పాత్ర‌కే ప‌రిమితం చేయాల‌న్న‌ది బాల‌య్య ఆలోచ‌న‌. బాల‌య్య వందో సినిమాగా ఆదిత్య 999 అనుకొన్న‌ప్పుడు అందులో మోక్ష‌జ్ఞ కోసం ఓ పాత్ర సృష్టించారు. దానికి బాల‌య్య కూడా ఓకే అన్నాడు. అయితే.. గౌత‌మి పుత్ర‌లో అలాంటి అవ‌కాశం లేద‌ని, బ‌ల‌వంతంగా పాత్ర‌ల్ని చొప్పిస్తే క‌థాగ‌మ‌నం దెబ్బ‌తింటుంద‌న్న‌ది బాల‌య్య భ‌యం. సో… ఈ సినిమా వ‌ర‌కూ మోక్ష‌జ్ఞ స‌హాయ ద‌ర్శ‌కుడి పాత్ర‌కే ప‌రిమిత‌మ‌వుతాడ‌న్న‌మాట‌.