కుటుంబానికి సమయం ఎలా గ‌డ‌పాలో, కుటుంబంతో ఎంత ఎంజాయ్ చేయాలో నాగార్జున‌కి బాగా తెలుసు. సినిమాలు, వ్యాపారాల‌తో ఎంత బిజీగా ఉన్నా – ఫ్యామిలీకంటూ కొంత టైమ్ ఉంటుంది. ఓ సినిమా పూర్త‌యిన వెంట‌నే ఫ్యామిలీ ట్రిప్ వేయ‌డం నాగ్‌కి అల‌వాటు. ఇప్పుడు అదే ప‌నిలో ఉన్నారు నాగ్. ఈ యేడాదంతా నాగ్ ఫ్యామిలీ ఫుల్ బిజీగా గ‌డుపుతోంది. చైతూ సినిమా `శైల‌జారెడ్డి అల్లుడు`, స‌మంత సినిమా `యూట‌ర్న్` ఇటీవ‌లే విడుద‌ల‌య్యాయి. ప్ర‌మోష‌న్లు ముగించుకుని ఈ జంట స్పెయిన్ వెళ్లిపోయింది. అక్క‌డో ఐలాండ్‌లో హాయిగా గ‌డుపుతోంది. ఇప్పుడు నాగ్, అమ‌ల, అఖిల్.. కూడా అదే ఐలాండ్‌కి వెళ్ల‌బోతున్నారు. అంటే.. నాగ్ ఫ్యామిలీ మొత్తం ఆ ఐలాండ్ లోనే కొన్ని రోజులు ఉండ‌బోతున్నార‌న్న‌మాట. అటు నాగ్, ఇటు స‌మంత చేతిలో బోలెడ‌న్ని సినిమాలున్నాయి. అఖిల్ కి కూడా `మిస్ట‌ర్ మ‌జ్ను` షూటింగ్ ఉంది. వాటికి కొంత‌కాలం బ్రేక్ ఇచ్చి.. ఇలా ఫ్యామిలీ ట్రిప్ ప్లాన్ చేశాడు నాగ్. క‌నీసం వారం రోజులు ఐలాండ్‌లోనే ఉండాల‌ని నాగ్ అండ్ ఫ్యామిలీ భావిస్తోంది. అక్క‌డ్నుంచి తిరిగొచ్చాక.. ఎవ‌రి షూటింగుల్లో వాళ్లు మ‌ళ్లీ బిజీ అవుతారు.
నాగ్, అమ‌ల, అఖిల్.. ముగ్గురూ అక్క‌డికే!
