నేను శైల‌జ‌తో ఆక‌ట్టుకొన్నాడు కిషోర్ తిరుమ‌ల. ఇప్పుడు ఉన్న‌ది ఒక‌టే జింద‌గీ సినిమాతో మ‌రోసారి త‌న ప్రతిభ చాటుకోవాల‌ని చూస్తున్నాడు. ఇప్ప‌టికే పాట‌లు, ప్ర‌చార చిత్రాలూ ఆక‌ట్టుకొంటున్నాయి. దాంతో యువ క‌థానాయ‌కులంతా కిషోర్‌కి క‌ర్చీఫ్‌లు వేసే ప‌నిలో ప‌డ్డారు. ప్ర‌స్తుతానికి నానితో ఓ సినిమా ఓకే అయ్యింది. మైత్రీ మూవీస్ ఈచిత్రాన్ని తెర‌కెక్కించ‌నుంది. నాని ప్ర‌స్తుతం ఎంసీఏతో బిజీగా ఉన్నాడు. ఆ త‌ర‌వాత కృష్ణార్జున యుద్ధం సినిమా పూర్తి చేయాల్సివుంటుంది. ఈ రెండు చిత్రాలూ పూర్త‌య్యాకే కిషోర్ తిరుమ‌ల‌తో సినిమా ప‌ట్టాలెక్కిస్తాడు. నానికి ఇటీవ‌లే ఓ క‌థ వినిపించాడు కిషోర్. దాన్ని పూర్తి స్థాయిలో సిద్దం చేయ‌డానికి స‌మ‌యం అడిగాడ‌ట. నాని కూడా ఓకే అన‌డంతో ఈ ప్రాజెక్ట్ ఫైన‌ల్ అయిపోయింది. వెంక‌టేష్ కోసం `ఆడాళ్లూ మీకు జోహార్లు` అనే క‌థ‌నీ రాసుకొన్నాడు కిషోర్. రామ్ చ‌ర‌ణ్ కూడా కిషోర్‌తో ప‌నిచేయ‌డానికి ఉత్సాహం చూపిస్తున్న‌ట్టు తెలుస్తోంది. నానితో సినిమా తీసి హిట్ కొడితే… అప్పుడు చ‌ర‌ణ్ లాంటి వాళ్లతో సినిమాలు చేయ‌డానికి రెడ్ కార్పెట్ సిద్ద‌మైపోయిన‌ట్టే.
నానితో కిషోర్ తిరుమ‌ల
