13 బి, ఇష్క్, మ‌నం, 24 ఇలా వైవిధ్య‌భ‌రిత‌మైన క‌థ‌ల‌తో మెప్పిస్తున్నాడు విక్ర‌మ్ కె.కుమార్. తన క‌థ‌లు, వాటిని తెర‌పై ఆవిష్క‌రించే విధానం కొత్త‌గా ఉంటున్నాయి. బాక్సాఫీసు ద‌గ్గ‌ర భారీ వ‌సూళ్లు అందుకొంటున్నాయి. అందుకే… చాలా తక్కువ స‌మ‌యంలోనే మోస్ట్ వాంటెడ్ ద‌ర్శ‌కుల జాబితాలో చేరిపోయాడు. ప్ర‌స్తుతం అఖిల్‌తో ‘హ‌లో’ తెర‌కెక్కిస్తున్నాడు. అల్లు అర్జున్‌తో ఆల్రెడీ ఓ క‌మిట్‌మెంట్ ఉంది విక్ర‌మ్‌కి. ఇప్పుడు ఎన్టీఆర్‌కీ మాట ఇచ్చిన‌ట్టు తెలుస్తోంది. ఎన్టీఆర్ – విక్ర‌మ్ కె.కుమార్ కాంబోలో ఓ సినిమా రూపుదిద్దుకొనే అవ‌కాశాలున్నాయ‌న్న‌ది లేటెస్ట్ టాలీవుడ్ టాక్. ఓ అగ్ర నిర్మాత విక్ర‌మ్ .కె కుమార్‌ని క‌లిసి ఎన్టీఆర్‌కి త‌గిన క‌థ‌ని సిద్దం చేయ‌మ‌ని అడిగిన‌ట్టు స‌మాచారం. అందుకు విక్ర‌మ్ కూడా ఓకే అనేశాడ‌ట. ఈ సినిమా తెలుగు, త‌మిళ భాష‌ల్లో ఒకేసారి తెర‌కెక్క‌బోతోంద‌ని స‌మాచారం. ‘జై ల‌వ‌కుశ’ త‌ర‌వాత త్రివిక్ర‌మ్ ద‌ర్శ‌క‌త్వంలో ఓ సినిమా చేయ‌బోతున్నాడు తార‌క్‌. ఈలోగా మరో సినిమా చేసే ఆలోచ‌న కూడా ఉంది. అన్నీ కుదిరితే విక్ర‌మ్ కె.కుమార్ సినిమా 2018 చివ‌ర్లోనే, 2019 ప్రారంభంలోనో ఉండొచ్చు.
‘మ‌నం’ ద‌ర్శ‌కుడితో ఎన్టీఆర్??
