సినిమాకి మూలం.. నిర్మాతే. వాళ్లు బాగుంటేనే ప‌రిశ్ర‌మ బాగుంటుంది. సినిమా పోతే… నిర్మాత‌లు ఎంత డీలా ప‌డిపోతారో, ఆడితే.. అంత‌గా ఆనందిస్తారు. ఆ సినిమా ఇచ్చిన ద‌ర్శ‌కుడ్ని పువ్వుల్లో పెట్టి చూసుకుంటారు. ద‌ర్శ‌కుడు ర‌మేష్ వ‌ర్మ‌కి అలాంటి నిర్మాతే దొరికాడు. ర‌మేష్ వ‌ర్మ తాజా హిట్‌… ‘రాక్ష‌సుడు’. బెల్లంకొండ శ్రీ‌నివాస్ క‌థానాయ‌కుడిగా న‌టించిన ఈ చిత్రం మంచి విజ‌యాన్ని అందుకుంది. ఈ సంద‌ర్భంగా నిర్మాత కోనేరు స‌త్య‌నారాయ‌ణ ర‌మేష్ వ‌ర్మ‌కు ఓ ఖ‌రీదైన ఫ్లాట్ ని కానుక‌గా ఇచ్చాడు.
ఫ్లాట్ మాత్రమే కాదు. అందులోని స‌క‌ల సౌకర్యాలూ అందించాడు. ఏసీ, ఫ్రిజ్జూ, డ‌బుల్ కాట్లూ… ఇలాగ‌న్న‌మాట. ఇప్పుడు ఓ కారుని సైతం కానుక‌గా ఇవ్వ‌బోతున్నాడు. కోటిన్న‌ర ఖ‌రీదు చేసే ఈ కారుని ఉగాది నాటికి గిఫ్టుగా ఇవ్వ‌బోతున్నాడ‌ని తెలుస్తోంది. ర‌మేష్ వ‌ర్మ త్వ‌ర‌లోనే ర‌వితేజ‌తో ఓ సినిమా చేయ‌బోతున్నాడు. దీనికీ కోనేరు స‌త్యనారాయ‌ణే నిర్మాత. ఆ సినిమా ఇంకా మొద‌ల‌వ్వ‌లేదు. ఈలోగా కోటిన్న‌ర కారు కానుక‌గా వ‌చ్చేసింది. ఇలాంటి నిర్మాతే క‌దా… ద‌ర్శ‌కుల‌కు కావాల్సింది.
