అహ‌నా పెళ్లంట, పూల రంగ‌డు సినిమాల‌తో అద‌ర‌గొట్టాడు వీరభద్రమ్. భాయ్ పూర్తిగా నిరాశ ప‌రిచింది. నాగార్జున ఇచ్చిన అవ‌కాశాన్ని వీరభద్రమ్ క్యాష్ చేసుకోలేక‌పోయాడు. మళ్లీ మ‌రో హీరోని ప‌ట్టుకొని సినిమా ప‌ట్టాలెక్కించి విడుద‌ల చేయ‌డానికి చాలా టైమ్ తీసుకొన్నాడు. ఈ శుక్ర‌వారం వీరభద్రమ్ ద‌ర్శక‌త్వం వ‌హించిన చుట్టాల‌బ్బాయ్ ప్రేక్ష‌కుల ముందుకు వ‌స్తోంది. ఆది ఎట్టిప‌రిస్థితుల్లోనూ హిట్ కొట్టాల్సిన త‌రుణ‌మిది. వీరభద్రమ్ కీ… ఓ హిట్టు అత్య‌వ‌స‌రం. అందుకే వీరిద్ద‌రూ దీనిపై బోల్డంత భ‌రోసా పెట్టుకొన్నారు. కామెడీ సినిమాలు బాగా వ‌ర్క‌వుట్ అవుతున్న త‌రుణ‌మిది. ఆ ప‌ల్స్ తెలిసిన వీరభద్రమ్.. ఎక్కువ‌గా కామెడీపైనే గురి పెట్టాడ‌ట. ఇక మీద‌ట ఎలాంటి గ్యాప్ రాకుండా చ‌క చ‌క సినిమాలు చేస్తానంటున్నాడు వీరభద్రమ్. త‌దుప‌రి సినిమా కోసం అప్పుడే ఇద్ద‌రు నిర్మాతల ద‌గ్గ‌ర అడ్వాన్సు కూడా తీసుకొన్నాడ‌ట.
అయితేఈసారి ఓ మెగా హీరోకి గురిపెడుతుండ‌డం విశేషం. సాయిధ‌ర‌మ్ తేజ్ కోసం ఓ క‌థ రెడీ చేసుకొన్నాడట ఈ ద‌ర్శ‌కుడు. చుట్టాల‌బ్బాయ్‌కి పాజిటీవ్ టాక్ వ‌స్తే.. మెగా హీరోతో కాంబినేష‌న్ దొర‌డం ఖాయం. అయితే.. సాయి అంత తేలిగ్గా దొరికే ర‌కం కాదు. చేతిలో బోల్డ‌న్ని సినిమాలున్నాయి. వీరు వంతు రావాలంటే క‌నీసం యేడాదైనా ఆగాలి. నిజంగా.. చుట్టాల‌బ్బాయ్ సూప‌ర్ హిట్ అయితే ఈ స‌మీక‌ర‌ణాలు మారిపోవొచ్చు. ఫ్లాప్ అయితే.. అస‌లు వీరు క‌థే విన‌క‌పోవొచ్చు. ఏం జ‌ర‌గాల‌న్నా… చుట్టాల‌బ్బాయ్ వ‌చ్చే వ‌ర‌కూ వెయిట్ చేయాల్సిందే.
