మిస్టర్ బచ్చన్ సినిమాతో టాలీవుడ్ లో అడుగు పెట్టింది భాగ్యశ్రీ. తొలి సినిమాతోనే తనకి కమర్షియల్ హీరోయిన్ అనే టాగ్ ఇచ్చింది. తన గ్లామర్ డాన్సులు యూత్ ని అలరించాయి. ఒక్క సినిమాతోనే తనకి మంచి ఫాలోయింగ్ వచ్చింది. ఆ తర్వాత వరుస సినిమాలు అవకాశాలు వచ్చాయి. విజయ్ దేవరకొండ తో కింగ్డమ్ సినిమా చేసింది నిజానికి ఈ సినిమాలో తనకి చెప్పుకోదగ్గ పాత్ర కాదు. కానీ ఆ సినిమా డిజాస్టర్ కూడా భాగ్యశ్రీ ఖాతాలో పడింది.

ఇటీవలే కాంత సినిమా ఆమెకు నటన పరంగా మంచి పేరు తీసుకొచ్చింది. అలనాటి హీరోయిన్ తన అభినయం అందర్నీ ఆశ్చర్యపరిచింది. తన క్లాసిక్ లుక్కు పాత్రలో లీనమై చెప్పిన డైలాగులు ఇవన్నీ కూడా ఆమెకు నటిగా ఒక స్థానాన్ని కల్పించాయి. అయితే ఆ సినిమా కూడా బాక్సాఫీస్ వద్ద నిలబడలేకపోయింది.

మంచి సక్సెస్ కోసం ఎదురుచూస్తున్న భాగ్యశ్రీ కి ఆంధ్ర కింగ్ తాలూకా ఫలితం మంచి ఉత్సాహాన్ని ఇచ్చింది. ఈ చిత్రంలో మహాలక్ష్మి పాత్రలో చేసింది భాగ్యశ్రీ. ఆ పాత్రలో పద్ధతిగా హుందాగా కనిపించింది. ఆమె స్క్రీన్ ప్రెజెన్స్, రామ్‌తో కెమిస్ట్రీ రెండూ బాగా వర్క్ అవుట్ అయ్యాయి. ఇప్పటివరకు ఆమె చేసిన చిత్రాలన్నిటికంటే మంచి టాక్, డీసెంట్ వసూళ్లు తెచ్చిన సినిమా ఆంధ్ర కింగే. ఎట్టకేలకు ఒక హిట్ ప్రాజెక్ట్ లో భాగమై ఆనందం ఆంధ్ర కింగ్ తో అందుకుంది భాగ్యశ్రీ.