భారతీయ జనతా పార్టీ ప్రచారం విషయం ఏ మాత్రం రాజీ పడటం లేదు. నరేంద్రమోడీ.. ఈ విషయంలో… సరిహద్దుల్లో యుద్ధవాతావరణం ఉన్నా వెనక్కి తగ్గలేదు. ఇక బీజేపీ నేతలు ఎందుకు తగ్గుతారు..? క్షేత్ర స్థాయి ప్రచారానికి తోడు… ఆన్‌లైన్‌లో.. ఓ రేంజ్‌లో ప్రచారం చేస్తున్నారు. గత ఎన్నికల సమయంలో… బీజేపీ విజయంలో ఆన్‌లైన్‌దే కీలక పాత్ర. అయితే.. అప్పట్లో.. ఎక్కువగా స్వచ్చందంగా ఆ బూమ్ వచ్చింది. మోదీని నాయకునిగా చూశారు. కానీ ఇప్పుడా పరిస్థితి లేదు. అందుకే.. బీజేపీ సొంతంగా.. ఆన్‌లైన్‌లో హవా సృష్టించాలనుకుంటోంది. దీని కోసం వందల సంఖ్యలో వివిధ పేర్లతో ఫేస్బుక్ సహా.. వివిధ రకాల సోషల్ మీడియా అకౌంట్లలో… కుప్పలు తెప్పలుగా ప్రకటనలు ఇస్తోంది.
ఫిబ్రవరిలో.. రాజకీయ పార్టీలు… ఫేస్బుక్ వేదికగా చేసిన ఖర్చుతో కూడిన ప్రకటనల్లో భారతీయ జనతా పార్టీకి చెందిన పేజీలదే అగ్రస్థానం. భారత్‌ కే మన్‌ కే బాత్ పేరుతో.. బీజేపీ మద్దతు దారులు నిర్వహిస్తున్న పేజీ… ఒక్క నెలలో.. ఏకంగా కోటి రూపాయలు ఖర్చు చేసింది. ఆ పేజీని… ప్రజల్లోకి విస్తృతగా తీసుకెళ్లి.. బీజేపీని పొగడటానికి ఈ ఖర్చు చేసింది. ఇంత ఖర్చు పెట్టినా.. ఆ పేజీకి .. మూడు లక్షలకు కొద్దిగా ఎక్కువ మంది మాత్రమే ఫాలో అవుతున్నారు. దేశవ్యాప్తంగా… రీచ్ కావడానికి.. గత ఎన్నికల్లో వచ్చినంత బూమ్ ను ఆన్ లైన్ లో సంపాదించుకోవడానికి బీజేపీ ఈ ప్రయత్నాలు చేస్తోంది. ఇలా పేజీల ద్వారా.. అధికారికంగా.. బీజేపీ చేస్తున్న ఖర్చు.. దేశంలోని మిగతా అన్ని రాజకీయ పార్టీలు చేస్తున్న ఖర్చుతో సమానం. ఇతర పార్టీలన్నీ పది కోట్లు ఖర్చు పెడుతూంటే.. ఒక్క బీజేపీ మాత్రమే పది కోట్లు ఖర్చు పెడుతోంది.
ఫేస్బుక్.. భారత ఎన్నికల విషయంలో అత్యంత జాగ్రత్తగా వ్యవహరిస్తోంది. ఎలాంటి.. ప్రకటనలైనా… అవి స్పాన్సర్ చేస్తున్న సంస్థ లేదా వ్యక్తి పేరు… అలాగే.. ప్రదేశాన్ని కూడా డిస్‌ప్లే అయ్యేలా చేస్తోంది. అదే సమయంలో.. ఎవరెవరు ఎంత ఎంత ఖర్చు పెట్టారో అన్నది కూడా అందుబాటులో ఉంచుతోంది. పార్టీల వారీగా కాకుండా.. ఏ పేజీ నిర్వాహకులు ఎంత మొత్తం ప్రకటనలు ఇచ్చారో వెల్లడిస్తోంది. ఈ విషయంలో బీజేపీ అందరి కంటే ముందు ఉంది. గ్రాండ్ ఓల్జ్ పార్టీ… దేశాన్ని సుదీర్ఘ కాలం పాలించిన కాంగ్రెస్.. ఇప్పుడు ప్రచారానికి డబ్బులు లేక తంటాలు పడుతోంది. ఒకే ఒక్క సారి మాత్రమే.. దేశంలో అధికారంలో ఉన్న బీజేపీ… ప్రచారం విషయంలో.. దేశంలో ఉన్న అన్ని పార్టీలు కలిపి చేసే ఖర్చు కన్నా.. ఎక్కువే చేస్తోంది.
