ఇదేం సెల్ఫీరా బాబోయ్

న‌రేష్ ఏం చేసినా అది అల్ల‌రి అల్ల‌రిగా ఉంటుంది. అందుకే అల్ల‌రి న‌రేష్ అయిపోయాడేమో! త‌న టైటిళ్లు, దాన్ని జ‌స్టిఫైజ్ చేయ‌డానికి పోస్ట‌రుపై వేసే వేషాలూ భ‌లే గ‌మ్మ‌త్తుగా ఉంటాయి. ఇప్పుడు సెల్ఫీ రాజాకీ అదే చేశాడు. జి.ఈశ్వ‌ర్ రెడ్డి ద‌ర్శ‌కత్వంలో న‌రేష్ క‌థానాయ‌కుడిగా న‌టిస్తున్న‌చిత్రం సెల్ఫీ రాజా. ఈ సినిమా ఫ‌స్ట్ లుక్ విడుద‌లైంది. రెండు పెద్ద పెద్ద బిల్డింగుల‌పై నుంచి దూకుతూ.. సెల్ఫీ తీయించుకొన్న స్టిల్ బ‌య‌ట‌కు వ‌దిలారు. ప్ర‌స్తుతం ముదిరిపోతున్న సెల్ఫీ పిచ్చ‌కి ఇంత‌కంటే నిద‌ర్శ‌నం ఏం కావాలి..? ఈ స్టిల్ చూస్తే, ఇదేం సెల్ఫీరా బాబూ.. అనిపించ‌క మాన‌దు. సెల్ఫీలంటే పిచ్చ ఉన్న ఓ కుర్రాడి క‌థ ఇది. అత‌ని క‌థ‌లో జ‌రిగే చిత్ర విచిత్రాలు స‌ర‌దాగా సాగిపోతాయ‌నిచిత్ర‌బృందం తెలిపింది. ఫ‌స్ట్ లుక్ బాగానే ఉంది. మ‌రి సినిమాలో ఏమాత్రం విష‌యం ఉంటుందో తెలియాలంటే.. సెల్ఫీ రాజా వ‌చ్చేంత వ‌ర‌కూ ఎదురుచూడాలి.