దళితుడ్ని హత్య చేసి డోర్ డెలివరీ చేసిన వైసీపీ ఎమ్మెల్సీ అనంతబాబుకు బెయిల్ ఇస్తూ సుప్రీంకోర్టు పెట్టిన ప్రాథమిక షరతు .. సాక్షుల్ని ప్రభావితం చేయకూడదని. కానీ అనంతబాబు అదే పని చేస్తున్నారు. ఏకంగా సాక్షుల్ని కొనుగోలు చేస్తున్నారు. వారికి బెదిరింపులతో పాటు లంచాలు ఇచ్చి… రివర్స్ అయ్యేలా చేసుకుంటున్నారు. పోలీసులకు వారు ఫిర్యాదు చేశారు. సాక్ష్యాలు సమర్పించారు. దీంతో ఎమ్మెల్సీ పరారయ్యారు.
నేరస్తులు తన పని తాను చేసుకుపోతున్నాడు!
వైసీపీ ఎమ్మెల్సీ అనంతబాబు ఉదంతం చూస్తుంటే చట్టం తన పని తాను చేసుకుపోతుంది అనే మాట కంటే, నేరస్తుడు తన పని తాను అడ్డగోలుగా చేసుకుపోతున్నాడు అనే చందంగా ఉంది. ఈ కేసులో కీలక సాక్షులను అనంతబాబు విచ్చలవిడిగా ప్రలోభపెడుతున్నారు. వారికి భారీ మొత్తంలో నగదు ఆశ చూపడంతో పాటు, మాట వినని వారిని తీవ్రంగా బెదిరిస్తున్నారు. సాక్షులు తమపై జరుగుతున్న ఈ ఒత్తిడిని భరించలేక, ఎమ్మెల్సీ తమను ఎలా కొనుగోలు చేయాలని చూస్తున్నారో ఆడియో, వీడియో ఆధారాలతో సహా పోలీసులకు ఫిర్యాదు చేశారు. దీంతో ఈ మర్డర్ ఎమ్మెల్సీ గీత దాటారని స్పష్టమవుతోంది.
ఇంత బరి తెగింపా?
సాక్ష్యాలను తారుమారు చేయడం, దర్యాప్తును అడ్డుకోవడంలో అనంతబాబు సిద్ధహస్తుడు. ఇప్పుడు నేరుగా సాక్షులే తిరుగుబాటు చేసి ఆధారాలు బయటపెట్టడంతో ఎమ్మెల్సీ పరిస్థితి అగమ్యగోచరంగా మారింది. పోలీసులు కేసు నమోదు చేసి అరెస్ట్ చేయడానికి సిద్ధమవ్వగా, అనంతబాబు ప్రస్తుతం పరారీలో ఉన్నట్లు తెలుస్తోంది. అధికారం అండతో ఏమైనా చేయొచ్చనే అహంకారం, అత్యున్నత న్యాయస్థానం ఆదేశాలను కూడా లెక్కచేయని ఆయన ధీమా ఇప్పుడు ఆయననే ఇరుకున పెట్టింది.
వైసీపీ బ్రాండ్ అంతే!
హత్య చేసి డోర్ డెలివరీ చేసినప్పుడే సమాజం తలదించుకుంది. ఇప్పుడు ఏకంగా సాక్షులను కొనేస్తూ, న్యాయవ్యవస్థను సైతం అపహాస్యం చేయడం వైసీపీ నాయకత్వ విలువలకే ప్రశ్నార్థకంగా మారింది. పరారీలో ఉన్న ఎమ్మెల్సీని పోలీసులు ఎప్పుడు పట్టుకుంటారో, సుప్రీంకోర్టు ఈ బెయిల్ ఉల్లంఘనలపై ఎలాంటి తీవ్ర నిర్ణయం తీసుకుంటుందోనని బాధితుడి కుటుంబం ఆశగా ఎదురుచూస్తోంది. నేరం చేయడం ఒక ఎత్తు అయితే, దాని నుండి తప్పించుకోవడానికి వ్యవస్థలను మేయడం మరో ఎత్తు—అనంతబాబు ఇప్పుడు ఆ రెండింటిలోనూ మాస్టర్ అని నిరూపించుకుంటున్నారు!
