నందమూరి బాలకృష్ణ మాట ముక్కుసూటిగా వుంటుంది. ఆయన ఏదైనా ముఖం మీదే చెప్పేస్తారు. తాజాగా జరిగిన అఖండ 2 ప్రీరిలీజ్ ఈవెంట్ లో ఆయన ఇండస్ట్రీకి రెండు కీలక సూచనలు చూశారు. మనిషి నిత్యవసర వస్తువులానే సినిమాని కూడా ఎంచుకున్నాడు. అలాంటి సినిమా ఎలా ఉండాలని చలనచిత్ర పరిశ్రమ పెద్దలు ఆలోచించాలి’అన్నారు. అంతేకాదు.. సినిమా షూటింగ్స్ లో జరుగుతున్న జాప్యం గురించి ప్రస్తావించారు. అఖండ 2 చాలా క్లిష్టమైన లోకేషన్స్ అనుకున్న సమయానికి పూర్తి చేశాం. మా నాన్నగారి దగ్గర నుంచి ఈ క్రమశిక్షణ అలవాటైయింది. దయచేసిన పరిశ్రమలో అందరూ ఇది పాటించాలని కోరారు.
ఈ సూచన ఖచ్చితంగా విలువైనదే. అనుకున్న సమయానికి షూటింగులు పూర్తి చేయలేక నిర్మాతలపై అదనపు భారం పడుతున్న సందర్భాలు అనేకం. కొందరు క్లారిటీ లేకుండా, ఇంకొందరు క్యాలిటీ అంటూ షూటింగులని సాగదీస్తారు. ఈ రెండు కూడా ఇబ్బందే. ఆనుకున్న ప్లానింగ్ ప్రకారం షూటింగులు జరిగిపోతేనే నిర్మాతలకు హాయి.
ఈ విషయంలో బాలయ్య ప్లానింగ్ ని మెచ్చుకోవాలి. ఆయన వయసుతో నిమిత్తం లేకుండా ఇప్పటికీ అదే హుషారుగా సినిమాలు చేస్తున్నారు. అఖండ 2 రిలీజ్ కి సిద్ధమౌతున్న తరుణంలో గోపీచంద్ మలినేని సినిమాని సెట్స్ పైకి తీసుకెళ్ళారు. డాకు మహారాజ్ సంక్రాంతికి తెచ్చారు. ఇప్పుడు డిసెంబర్ అఖండ 2 తో వస్తున్నారు. ఈ స్పీడ్ అందరికీ ఉంటే పరిశ్రమకే మంచిది.
