ఫ్లాష్ బాక్‌: ‘గ్యాంగ్ లీడ‌ర్‌’కి నో చెప్పిన చిరు

1991లో విడుద‌లైన `గ్యాంగ్ లీడ‌ర్‌` చిరంజీవి సూప‌ర్ డూప‌ర్ హిట్ల‌లొ ఒక‌టిగా నిలిచింది. అప్ప‌టికే చిరు మాస్ హీరో. ఈసినిమాతో ఆ ఇమేజ్ మ‌రింత స్ట్రాంగ్ గా మారింది. విజ‌య‌బాపినీడు ద‌ర్శ‌క‌త్వం వ‌హించారు. అయితే.. ఈ సినిమా క‌థ ముందు చిరంజీవికి న‌చ్చ‌లేదు. దాంతో సున్నితంగా తిర‌స్క‌రించారు. చిరు నో చెప్పిన క‌థ‌ని మ్యాజిక్ చేసి, చిరుతో ఓకే అనిపించిన ఘ‌త‌న ప‌రుచూరి బ్ర‌ద‌ర్స్‌కి ద‌క్కుతుంది. ఈ సినిమా విజ‌యంలో.. ఈ చ‌రిత్ర‌లో.. వాళ్ల‌ది కీల‌క పాత్ర‌. ఆ ఫ్లాష్ బాక్‌లోకి వెళ్తే.

గ్యాంగ్ లీడ‌ర్ క‌థ చెప్పాక‌.. చిరుకి ఎక్క‌డో తేడా కొట్టింది. ‘ఇలాంటి క‌థ‌లు చాలా వ‌చ్చాయి.. నేను చేయ‌ను..’ అని సున్నితంగా చెప్పేస‌రికి ద‌ర్శ‌కుడు విజ‌య‌బాపినీడుకి ఏం పాలుపోలేదు. స‌రిగ్గా అప్పుడే ప‌రుచూరి బ్ర‌ద‌ర్స్ తో ప‌రిచ‌యం అయ్యింది విజ‌య‌బాపినీడుకి. ఓ రోజు ఓ హోటెల్ లో ప‌రుచూరి సోద‌రుల్ని క‌లిసిన బాపినీడు.. ‘చిరంజీవితో సినిమా చేస్తున్నా`’అన్నారు. దానికి ప‌రుచూరి వాళ్లూ సంతోషించారు. కానీ అదే రోజు సాయింత్రం.. `క‌థ చెప్పా. కానీ చిరంజీవిగారికి న‌చ్చ‌లేదు` అని దిగాలుగా చెప్పేస‌రికి… ‘ఏదీ… క‌థ మాక్కూడా ఓసారి చెబుతారా” అని ప‌రుచూరి సోద‌రులు అడ‌గ‌డంతో చిరంజీవికి చెప్పిన క‌థే.. మ‌ళ్లీ ప‌ర‌చూరి వాళ్ల‌కూ వినిపించారు.

”మాకు మూడు రోజులు టైమ్ ఇవ్వండి. ఈ క‌థ‌కి ఏం చేయాలో.. అది చేస్తాం” అని ప‌రుచూరి బ్ర‌ద‌ర్స్‌.. బాపినీడుని కూల్ చేశారు.

స‌రిగ్గా నాలుగురోజుల‌కు చిరంజీవికి ఫోన్ చేసి `బాపినీడు మీకు ఓ క‌థ చెప్పార్ట క‌దా… అది ఈసారి మీకు చెబుతాం.. వింటారా` అని రిక్వెస్ట్ చేశారు ప‌రుచూరి బ్ర‌ద‌ర్స్‌.

”ఇది వ‌ర‌కే విన్న క‌థ క‌దా. ఇప్పుడు కొత్త‌గా ఏం చెబుతారు.. వ‌ద్దు” అని చిరంజీవి అన్నాస‌రే… ప‌రుచూరి బ్ర‌ద‌ర్స్ వ‌ద‌ల్లేదు. ”ఈ ఒక్క‌సారి వినండి..” అని స‌ర్ది చెప్పేస‌రికి. ప‌రుచూరి వాళ్ల‌పై న‌మ్మ‌కంతో చిరు ఓకే అన్నాడు.

స‌రిగ్గా మ‌ళ్లీ రెండ్రోజుల‌కు చిరుతో సిట్టింగ్. ఈసారి బాపినీడు చెప్పిన క‌థ‌నే.. కాస్త స‌న్నివేశాలు అటూ ఇటూ చేసి చిరంజీవికి వినిపించారు. విజ‌య‌శాంతి ఫ్లాష్ బ్యాక్ ఎపిసోడ్.. ప‌రుచూరి వాళ్ల క్రియేష‌న్స్‌. ఇది వ‌ర‌కు బాపినీడు రాసుకున్న క‌థ‌లో.. ముర‌ళీ మోహ‌న్ తో పాటు, హీరో గ్యాంగ్ కూడా చ‌నిపోతుంది. కానీ. ప‌రుచూరి వాళ్లు హీరో గ్యాంగ్ ని చంప‌కుండా అలా వ‌దిలేశారు. ”గ్యాంగ్ చ‌నిపోతే.. గ్యాంగ్ లీడ‌ర్ ఉండ‌డు. ఆ టైటిల్ కి అర్థం ఉండ‌దు” అని ఆయా సన్నివేశాల్ని మార్చి వినిపించారు. ఈ సిట్టింగ్ లోనే.. `చేయి చూశావా ఎంత ర‌ఫ్ గా ఉందో.. ర‌ఫ్ఫాడించేస్తా` అనే మ్యాన‌రిజం కూడా పుట్టింది. చిరు జైలుకి వెళ్ల‌డం, అక్క‌డ కైకాల స‌త్య‌నారాయ‌ణ అనే జైల‌ర్ పాత్ర‌.. ఇవన్నీ ప‌రుచూరి వాళ్లు సృష్టించిన‌వే.

ఇలా అటూ ఇటూ మార్చి గ్యాంగ్ లీర‌డ్ క‌థ చెప్ప‌డంతో.. చిరుకి న‌చ్చేసింది. ప‌క్క‌న పెట్టేసిన క‌థ‌ని చిరు ఓకే చేసేశారు. అప్ప‌టి నుంచే… రిజ‌క్ట్ అయిన క‌థ‌ల్నీ ప‌రుచూరి వాళ్లు రిపేరు చేసి, హిట్టు కొట్ట‌గ‌ల‌రు అనే పేరు తెచ్చుకున్నారు.

ప‌రుచూరి సంభాష‌ణ‌లు, చిరు మేన‌రిజ‌మ్స్‌, బ‌ప్పీల హ‌రి సంగీతం, స్టెప్పులు, చిరు వేసిన రంగు రంగుల పూల చొక్కాలూ.. ఇవ‌న్నీ క‌లిసి ఈ సినిమాకి కొత్త ఆక‌ర్ష‌ణ‌లు తీసుకొచ్చాయి. దాంతో.. చిరు సూప‌ర్ హిట్ చిత్రాల్లో ఇదొక‌టిగా నిలిచిపోయింది.

చిరు పుట్టిన రోజునే ఈ సినిమా వంద రోజుల పండ‌గ‌ను తిరుప‌తి, హైద‌రాబాద్‌, ఏలూరు, విజ‌య‌వాడ‌ల‌లో నిర్వ‌హించారు. ప్ర‌త్యేక విమానంలో చిత్ర‌బృందం ఆయా ప్రాంతాల‌కు చేరుకుని, అభిమానుల్ని క‌లుసుకుంది. ఈ వేడుక‌ల్ని.. `అప్పుల అప్పారావు` సినిమాలోనూ వాడుకున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రివ్యూ: ‘నిఫా వైర‌స్‌’

ప్ర‌పంచం మొత్తం.. క‌రోనా భ‌యంతో వ‌ణికిపోతోంది. ఇప్పుడైతే ఈ ప్ర‌కంప‌న‌లు కాస్త త‌గ్గాయి గానీ, క‌రోనా వ్యాపించిన కొత్త‌లో... ఈ వైర‌స్ గురించి తెలుసుకుని అల్లాడిపోయారంతా. అస‌లు మ‌నిషి మ‌నుగ‌డ‌ని, శాస్త్ర సాంకేతిక...

సర్వేలు.. ఎగ్జిట్ పోల్స్ అన్నీ బోగస్సే..!

గ్రేటర్ ఎన్నికల విషయంలో ఎగ్జిట్ పోల్స్ మొత్తం బోల్తా కొట్టాయి. ఒక్కటంటే.. ఒక్క సంస్థ కూడా సరిగ్గా ఫలితాలను అంచనా వేయలేకపోయింది. భారతీయ జనతా పార్టీ పట్ల ప్రజల్లో ఉన్న వేవ్ ను...

కాంగ్రెస్ పనైపోయింది..! ఉత్తమ్ పదవి వదిలేశారు..!

పీసీసీ చీఫ్ పోస్టుకు ఉత్తమ్ కుమార్ రెడ్డి రాజీనామా చేశారు. తాను ఎప్పుడో రాజీనామా చేశానని.. దాన్ని ఆమోదించి.. కొత్తగా పీసీసీ చీఫ్ ను నియమించాలని ఆయన కొత్తగా ఏఐసిసికి లేఖ రాశారు....

గ్రేటర్ టర్న్ : టీఆర్ఎస్‌పై బీజేపీ సర్జికల్ స్ట్రైక్..!

గ్రేటర్‌ ఎన్నికల్లో భారతీయ జనతా పార్టీ అనూహ్యమైన ఫలితాలు సాధించింది. హోరాహోరీగా సాగిన ఎన్నికల్లో టీఆర్ఎస్ కాస్త ముందు ఉన్నట్లుగా కనిపిస్తోంది కానీ.. భారతీయ జనతా పార్టీ.. టీఆర్ఎస్‌పై సర్జికల్‌ స్ట్రైక్...

HOT NEWS

[X] Close
[X] Close