జూన్ 27న ‘క‌ల్కి’

ప్ర‌భాస్ అభిమానులు ఎప్పుడెప్పుడా అని ఎదురు చూస్తున్న ‘క‌ల్కి’ రిలీజ్ డేట్‌పై ఓ క్లారిటీ వ‌చ్చేసింది. ఈ చిత్రాన్ని జూన్ 27న రిలీజ్ చేయాల‌ని చిత్ర‌బృందం నిర్ణ‌యించుకొంది. దీనిపై అతి త్వ‌ర‌లోనే నిర్మాత‌లు ఓ స్ప‌ష‌క్ట‌మైన ప్ర‌క‌ట‌న విడుద‌ల చేస్తారు. మేలో రావాల్సిన సినిమా ఇది. అయితే ఏపీలో ఎన్నిక‌ల నేప‌థ్యంలో జూన్‌కు వెళ్లింది. అయితే జూన్‌లో మంచి డేట్ ఎప్పుడా? అని చిత్ర‌బృందం తీవ్ర‌మైన త‌ర్జ‌న భ‌ర్జ‌న‌లు ప‌డింది. చివ‌రికి జూన్ 27 అయితే బెట‌ర్ అన్న నిర్ణ‌యానికి వ‌చ్చింది. జూన్ 27న టీ 20 వ‌ర‌ల్డ్ క‌ప్ సెమీ ఫైన‌ల్ మ్యాచ్ ఉంది. ఆ మ్యాచ్‌లో భార‌త్ త‌ల‌ప‌డితే… వ‌సూళ్ల‌పై ప్ర‌భావం చూపిస్తుందేమో అని చిత్ర బృందం కాస్త ఆలోచించింది. అయితే వ‌ర‌ల్డ్ క‌ప్‌లో రెండు సెమీస్‌లు ఉంటాయి. ఆ మ్యాచ్‌లో భార‌త్ త‌ల‌పడుతుందా, లేదా? అనేది ఇప్పుడే చెప్ప‌లేం. దాని కోసం సినిమా విడుద‌ల తేదీని మ‌రోసారి వాయిదా వేయ‌డం చిత్ర‌బృందానికి ఏమాత్రం ఇష్టం లేదు. అందుకే మ‌రేం ఆలోచించ‌కుండా జూన్ 27 డేట్‌పై క‌ర్చీఫ్ వేసిన‌ట్టు స‌మాచారం అందుతోంది. మేలో ఎన్నిక‌ల రిజ‌ల్ట్ వ‌చ్చేసిన త‌ర‌వాత‌.. ప్ర‌చార కార్య‌క్ర‌మాల్ని ముమ్మ‌రం చేయాల‌న్న‌ది ప్లాన్‌. అప్ప‌టికి మ‌రో 40 రోజుల స‌మ‌యం ఉంటుంది. కాబ‌ట్టి.. ప్ర‌మోష‌న్ల‌కు కావ‌ల్సినంత గ్యాప్ దొరికిన‌ట్టే.

నాగ అశ్విన్ దర్శ‌క‌త్వం వ‌హించిన ఈ చిత్రంలో అమితాబ్, క‌మ‌ల్ కీల‌క పాత్ర‌లు పోషిస్తున్నారు. అమితాబ్ పాత్ర‌కు సంబంధించిన ప్రోమో ఇటీవ‌ల విడుద‌ల చేశారు. ఇక క‌మ‌ల్ ఇంట్రో ఎలా ఉంటుందో చూడాలి. క‌మ‌ల్ పాత్ర‌ని అతి త్వ‌ర‌లోనే ప‌రిచ‌యం చేయ‌డానికి చిత్ర‌బృందం క‌స‌ర‌త్తులు చేస్తోంది.

𝐓𝐡𝐞 𝐟𝐢𝐧𝐚𝐥 𝐜𝐨𝐮𝐧𝐭𝐝𝐨𝐰𝐧!

Stay tuned to 5 PM today.#Kalki2898AD @SrBachchan @ikamalhaasan #Prabhas @deepikapadukone @nagashwin7 @DishPatani @Music_Santhosh @VyjayanthiFilms @Kalki2898AD pic.twitter.com/GkJvHfkaxw

— Vyjayanthi Movies (@VyjayanthiFilms) April 27, 2024