హ్యాపీడేస్ సినిమాలో రాజేష్ తో ప్రేక్షకులకు దగ్గరైన నిఖిల్ ఆ తర్వాత హీరోగా కూడా మంచి సినిమాలు చేసి అలరించాడు. ప్రస్తుతం హ్యాట్రిక్ హిట్ జోష్ మీదున్న నిఖిల్ మరో రెండు రోజుల్లో శంకరాభరణం సినిమాతో ప్రేక్షకుల ముందుకు రాబోతున్నాడు. అయితే కోనా సిఫార్సుతో ఈ సినిమా టీజర్ పవర్ స్టార్ పవన్ కళ్యాన్ చేతుల మీదుగా విడుదల చేసిన సంగతి తెలిసిందే. ఆ టీజర్ విడుదల సమయంలో పవన్ నిఖిల్ తో అన్న మాటలు ఇప్పటివరకు ఎక్కడ ప్రస్థావించని నిఖిల్ సినిమా ప్రచారంలో బయటపెట్టేశాడు.
సినిమా మొదటి పోస్టర్ చూసి నచ్చిన పవన్ కళ్యాన్ కోనా వెంకట్ అభ్యర్దన మేరకు శంకరాభరణం టీజర్ విడుదల చేశాడు. ఆ సమయంలో టీజర్ చూసిన పవన్ నిఖిల్ గురించి బాడీ బాగా పెంచావోయ్.. కష్టపడ్డట్టు ఉన్నావ్ అని ప్రశంసించాడట. తన అభిమాన నటుడు తన కష్టాన్ని గుర్తించాడని ఉబ్బితబ్బిబ్బై పోతున్నాడు నిఖిల్. కోనా వెంకట్ నిర్మాణ సారధ్యంలో వస్తున్న శంకరాభరణం ఉదయ నందనవనం దర్శకత్వం వహించాడు.
మరి నిఖిల్ కష్టాన్ని పవన్ గుర్తించినట్టుగానే ప్రేక్షకులు కూడా గుర్తించి సినిమాను హిట్ చేస్తారనే ఆశిస్తున్నాడు నిఖిల్. నందిత హీరోయిన్ గా చేస్తున్న ఈ సినిమాలో అంజలి ఓ ప్రధాన పాత్రలో కనిపించి అలరించనుంది.
