సీతారామంతో ఓ సూప‌ర్ హిట్ ఇచ్చిన హ‌ను రాఘ‌వ‌పూడి.. వెంట‌నే ప్ర‌భాస్ కంట్లో ప‌డిపోయాడు. వీరిద్ద‌రి కాంబినేషన్‌లో ఓ సినిమా సెట్ట‌యిపోయింది. త్వ‌ర‌లోనే ఈ చిత్రానికి సంబంధించిన అధికారిక ప్ర‌క‌ట‌న రానుంది. హ‌నుతో సినిమా అన‌గానే అంతా ఇదో ల‌వ్ స్టోరీ అని ఫిక్స‌యిపోయారు. ఎందుకంటే హ‌ను ఇప్ప‌టి వరకూ ల‌వ్ స్టోరీలే చేశాడు. అందులో త‌న స్పెషాలిటీ చూపించుకొన్నాడు. అయితే.. ఈసారి హ‌ను ల‌వ్ స్టోరీ చేయ‌డం లేదు. ప్ర‌భాస్ స్టైల్‌, స్థాయి, క్రేజ్‌ని దృష్టిలో ఉంచుకొని ఓ యాక్ష‌న్ డ్రామాని సిద్ధం చేశాడ‌ట. హ‌నుకి ఇది స‌రికొత్త జోన‌ర్‌. ప్ర‌భాస్ ఇది వ‌ర‌కు యాక్ష‌న్ డ్రామాలు చాలా చేశాడు, ఇప్ప‌టికీ చేస్తూనే ఉన్నాడు. అయితే వాటికీ, ఈ క‌థ‌కూ ఏమాత్రం సంబంధం లేకుండా కొత్త‌గా డిజైన్ చేశాడ‌ని టాక్‌. బ‌డ్జెట్ ప‌రంగానూ ఈ సినిమా పెద్ద‌దే అని తెలుస్తోంది. ప్ర‌భాస్ చేతిలో చాలా సినిమాలున్నాయి. స‌లార్ రావాలి. ఆ త‌ర‌వాత మారుతి సినిమా ఉంది. ప్రాజెక్ట్ కె శ‌ర‌వేగంగా జ‌రుగుతోంది. ఆ త‌ర‌వాత స్పిరిట్ కూడా ఉంది. స్పిరిట్ సినిమాతో పాటుగా హ‌ను క‌థ‌ని స‌మాంత‌రంగా చేయాల‌ని ప్ర‌భాస్ భావిస్తున్నాడు.
ప్ర‌భాస్ – హ‌ను రాఘ‌వ‌పూడి.. వేరే సెట‌ప్‌
