‘సినిమా హిట్టయితే యాక్టింగ్ మానేస్తా’… ఈ మాట అంటున్నది ఎవరో తెలుసా? ‘అందాల రాక్షసి’ ఫేమ్ రాహుల్ రవీంద్రన్. హిట్ సినిమాకి వర్క్ చేసిన ప్రతి ఒక్కరికీ తరవాత రెండు మూడు అవకాశాలు వస్తాయి. హిట్టిచ్చిన హీరోలు, దర్శకులపై కర్చీఫ్ వేయడం ఇండస్ట్రీలో కామన్. హిట్ తరవాత వచ్చే అవకాశాలను క్యాష్ చేసుకోకుండా మానేస్తాననడం రాహుల్ రవీంద్రన్ మూర్ఖత్వం అనుకుంటే తప్పులో కాలేసినట్టే. ఎందుకంటే… క్యాష్ చేసుకోవడానికి యాక్టింగ్ మానేస్తానంటున్నాడీ హీరో. అక్కినేని నాగార్జున మేనల్లుడు సుశాంత్ హీరోగా నటిస్తున్న ‘చి.ల.సౌ’ సినిమాతో రాహుల్ రవీంద్రన్ దర్శకుడిగా ఇంట్రడ్యూస్ అవుతున్న సంగతి తెలిసిందే. ఆ సినిమా హిట్టయితే యాక్టింగ్ మానేస్తానని క్లోజ్ సర్కిల్స్ దగ్గర చెప్పాడట. అంటే కంప్లీట్ డైరెక్షన్ మీద కాన్సంట్రేట్ చేస్తానని మీనింగ్ అన్నమాట. ఒకవేళ దర్శకుడిగా తొలి సినిమా సినిమా హిట్ కాకున్నా ఈ హీరోకి వచ్చే నష్టమేమీ లేదు. ఎందుకంటే.. తమ అన్నపూర్ణ స్టూడియోస్ సంస్థలో రెండు సినిమాలు డైరెక్ట్ చేయమని రాహుల్ రవీంద్రన్ చేతిలో నాగార్జున తనయుడు, హీరో నాగచైతన్య అడ్వాన్స్ పెట్టాడు. ఈ సినిమా ప్లాప్ అయినా దర్శకుడిగా మరో రెండు సినిమాలు చేసే ఛాన్స్ ముందే అందుకున్నాడు.
హిట్టయితే యాక్టింగ్ మానేస్తాడట!
