ఈమ‌ద్య ర‌కుల్ ప్రీత్‌సింగ్ గురించి ఓ రూమ‌ర్ భ‌యంక‌రంగా చ‌క్క‌ర్లు కొట్టింది. ర‌కుల్‌కి ఓ హీరో ఏకంగా కోటి రూపాయ‌ల గిఫ్ట్ ఇచ్చాడ‌ట. అదీ.. ఓ ఇంటి రూపంలో. కోటి రూపాయ‌ల విలువ‌ల గ‌ల ఓ ఇల్లు కొని ర‌కుల్‌కి బ‌హుమానంగా ఇచ్చాడ‌ట ఓ హీరో. ఆ హీరో ఎవ‌రంటూ.. టాలీవుడ్‌లో గుస‌గుస‌లు మొద‌ల‌య్యాయి. ఈ విష‌యాన్నే ర‌కుల్ ద‌గ్గ‌ర ప్ర‌స్తావిస్తే… ”నాకు ఎవ‌రో ఇల్లు కొనిపెట్ట‌డం ఏమిటి? నాన్సెన్స్‌” అంటోంది. ఇలాంటి రూమ‌ర్లు నేను ప‌ట్టించుకోను.. అని ఘాటుగా స‌మాధానం చెబుతోంది.
”హైద‌రాబాద్‌లో నేను ఇల్లు కొనుక్కొన్న మాట వాస్త‌వ‌మే. అయితే.. అది నా సొంత డ‌బ్బుల‌తో కొనుక్కొన్న ఇల్లు. సినిమాల్లోకి అడుగుపెట్టిన వెంట‌నే కారు కొనుకొన్నా. ఆ త‌ర‌వాత జిమ్ పెట్టా. ఇప్పుడు ఇల్లు కొనుకొన్నా. ప్ర‌తి పైసా నాదే. నాకు డ‌బ్బుల విలువ తెలుసు. విచ్చ‌ల విడిగా ఖ‌ర్చుపెట్ట‌ను. పొదుపుగా దాచుకొన్నా కాబ‌ట్టి… ఇప్పుడు ఇల్లు కొన్నా. అందులోనూ నాన్న‌గారి డ‌బ్బులున్నాయి. ఆయ‌న పేరు మీద లోన్ కూడా తీసుకొన్నా..” అని స‌మాధానం ఇచ్చింది. సో… ర‌కుల్ ప్రీత్‌.. ఇంటి ర‌హ‌స్యం అది. ఇక‌నైనా రూమ‌ర్లు ఆపండి బాబూ…
