సుప్రీమ్ కోసం సాయిధ‌ర‌మ్ తేజ్ – రాశీఖ‌న్నా తొలిసారి జోడీ క‌ట్టారు. ఆ సినిమా హిట్ట‌య్యింది. ప్ర‌తీ రోజూ పండ‌గేలోనూ ఈ జంట అల‌రించింది. ఇప్పుడు ముచ్చ‌ట‌గా మూడోసారి ఈ కాంబినేష‌న్‌ని చూసే అవ‌కాశం వ‌స్తోంది. సాయి ధ‌ర‌మ్ తేజ్ క‌థానాయ‌కుడిగా దేవ క‌ట్టా ద‌ర్శ‌క‌త్వంలో ఇటీవ‌లే ఓ చిత్రం క్లాప్ కొట్టుకుంది. నివేదా థామ‌స్ ఈ చిత్రంలో క‌థానాయిక‌గా న‌టిస్తోంది. ఇందులో మరో హీరోయిన్‌కీ అవ‌కాశం ఉంద‌ని తెలుస్తోంది. ఆ పాత్ర కోసం రాశీఖ‌న్నా పేరు ప‌రిశీలిస్తున్న‌ట్టు టాక్‌. తాను కొన్ని స‌న్నివేశాల‌తో పాటు ఓ పాట‌నీ పంచుకోబోతోంద‌ని తెలుస్తోంది. సాయిధ‌ర‌మ్ తో రాశీఖ‌న్నా న‌టించిన రెండు సినిమాలూ హిట్ట‌య్యాయి. వాళ్ల‌మ‌ధ్య కెమిస్ఠ్రీ కూడా బాగుంటుంది. అందుకే… ఆ సెంటిమెంట్‌తో రాశీఖ‌న్నా పేరు ఖ‌రారు చేసే అవ‌కాశాలున్న‌ట్టు తెలుస్తోంది.
సుప్రీమ్ హీరోతో హ్యాట్రిక్‌
