జగన్ రెడ్డి అండ్ కో మళ్లీ వైఎస్ మరణంపై అనుమానాలు ఉన్నాయని ప్రారంభించారు. ఒకప్పుడు తమకు సీఎం పదవి ఇవ్వలేదని కుటుంబం మొత్తం… కాంగ్రెస్ పై పడిపోయారు. తమ కుటుంబం ఆ స్థాయిలో ఉండటానికి కారణం కాంగ్రెస్ అని మర్చిపోయి ఇష్టారీతిన ఆరోపణలు చేశారు. సోనియానే చంపించిందన్నారు. రిలయన్స్ తో కలిసిఈ దారుణం చేశారన్నారు. లెక్కలేనన్ని ఆరోపణలు చేశారు. అంతా చేసి ఇప్పుడు తల్లి ,కూతురు కాంగ్రెస్ పార్టీ పంచలో చేరిపోతే.. జగన్ రెడ్డి మాత్రం… కొత్త కథలు వండుతూనే ఉన్నారు.
వైఎస్ మరణంపై అనుమానాలున్నాయని సజ్జల కొత్తగా ఆరోపణలు ప్రారంభించారు. ఆయనకు సిగ్గు వేయదేమో కానీ.. వినేవాళ్లకు కాస్త ఎబ్బెట్టుగానే ఉంటుంది. రిలయన్స్ కు చెందిన పరిమళ్ నత్వానీకి వైసీపీ పార్టీ తరపున రాజ్యసభ సీటు ఇచ్చి ఎమ్మెల్యేలతో ఓటు వేయించినప్పుడే జగన్ రెడ్డి తన తండ్రి ఆత్మను తీవ్రంగా కదిలించారు. ఇప్పుడు ఎన్నికలకు ముందు అశాంతి రేపుతున్నారు.
తండ్రి ప్రమాదవశత్తూ మరణిస్తే.. ఆ మరణాన్ని అడ్డం పెట్టుకుని దాన్నే పెట్టుబడిగా మార్చుకుని రాజకీయం చేస్తున్నారు జగన్ రెడ్డి. ఎన్ని ఎన్నికలు వచ్చినా అదే పరిస్థితి. తండ్రి ఆత్మకు శాంతి లేకుండా చేస్తున్నారని విమర్శలు వచ్చినా ఆయన శైలి ఆయనదే.
