షారుఖ్ ఖాన్ ఫ్యాన్స్ ఎప్ప‌టి నుంచో ఆస‌క్తిగా ఎదురుచూస్తున్న ఫ్యాన్ సినిమా ఈరోజు విడుద‌లైంది. ప్ర‌పంచ వ్యాప్తంగా తొలి రోజు వ‌సూళ్లు అద‌ర‌గొట్టే స్థాయిలోనే వ‌స్తున్నాయి. అయితే రివ్యూలు మాత్రం.. ఇది ‘సో.. సో..’ సినిమా అని తేల్చేస్తున్నాయి. కేవ‌లం షారుఖ్ ఖాన్ ఫ్యాన్స్ కి మాత్ర‌మే అని ట్యాగ్ లైన్ ఇస్తున్నాయి. షారుఖ్ మ‌రోసారి… బాక్సాఫీసుని అద‌ర‌గొడతాడు, పీకె రికార్డులు కొల్ల కొడ‌తాడు అనుకొన్న‌వాళ్లంద‌రికీ ఇది నిరాశ క‌లిగించే విష‌య‌మే.
అయితే షారుఖ్ న‌ట‌న.. రెండు పాత్ర‌ల్లో షారుఖ్ చూపించిన వైవిధ్యం అద్భుతం.. అని విమ‌ర్శ‌కులు సైతం మెచ్చుకొంటున్నారు. ఫ‌స్టాఫ్‌ని ఇంట్ర‌స్టింగ్ గా తెర‌కెక్కించిన ద‌ర్శ‌కుడు మనీష్ శర్మ.. ద్వితీయార్థంలో త‌డ‌బ‌డ్డాడ‌ని చెబుతున్నారు. ఫ్యాన్‌కీ, స్టార్‌కీ మ‌ధ్య ఈగో ప్రాబ్ల‌మ్స్ ఎందుకొచ్చాయో.. స‌రిగా చూపింక‌లేక‌పోయాడ‌ట. అయితే యాక్షన్ ఘ‌ట్టాల్ని మాత్రం హాలీవుడ్ స్థాయిలో తీశాడ‌ట. షారుఖ్ గ‌త చిత్రం దిల్‌వాలేతో పోలిస్తే… ఈ సినిమా చాలా బెట‌ర్ అని కూడా చెబుతున్నారు. అదొక్క‌టి చాల‌దూ.. ఈ సినిమా బాక్సాఫీసుని షేక్ చేయ‌డానికి. యావ‌రేజ్ టాక్ తెచ్చుకొన్న ఫ్యాన్‌ని ఇప్పుడు సూప‌ర్ హిట్ గా మార్చాల్సింది ఫ్యాన్సే.
