చిరంజీవి 150వ చిత్రంలో ఆక‌ర్షణ‌ల‌కు కొద‌వ లేదు. 150 అంకే.. ఓ పెద్ద మ్యాజిక్ ఫిగ‌ర్‌. ఈ చిత్రానికి రామ్‌చ‌ర‌ణ్ నిర్మాతగా వ్యవ‌హ‌రించ‌డం మరో ఆక‌ర్షణ. ఇందులో చ‌ర‌ణ్ ఓ పాట‌లో క‌నిపిస్తాడ‌న్న ప్రచారం జోరుగా సాగుతోంది. హీరోగా సెటిల్ అయిపోయిన సునీల్ చిరు కోసం ఓ కీలకమైన పాత్ర చేయ‌డానికి ఒప్పుకొన్నాడు. ఇప్పుడు ఖైది నెంబ‌ర్ 150వ‌లో మరో స్టార్ వ‌చ్చి చేర‌బోతోంది. క‌థానాయిక శ్రియ ఈ చిత్రంలో ఓ కీలకమైన పాత్రలో క‌నిపించ‌బోతోంద‌ని స‌మాచారం. ఇది వ‌ర‌కు ఠాగూర్ చిత్రంలో చిరు – శ్రియ జోడీగా న‌టించారు. ఆ చిత్రానికి ద‌ర్శకుడు కూడా వినాయ‌క్‌నే. ఇప్పుడు మ‌ళ్లీ చిరుతో వినాయ‌క్ చేస్తున్న సినిమాలో శ్రియ‌ని తీసుకొచ్చే ప్రయ‌త్నాలు జ‌రుగుతున్నాయి. ఖైది నెం.150లోని ఓ పాత్ర కోసం శ్రియ‌ని సంప్రదించిన‌ట్టు టాలీవుడ్ వ‌ర్గాల భోగ‌ట్టా.
”శ్రియ‌ని అడిగిన మాట వాస్తవ‌మే. అయితే త‌న నిర్ణయం తెల‌ప‌డానికి కాస్త స‌మ‌యం కావాల‌ని చెప్పింది. శ్రియ నిర్ణయం ప్రక‌టించాక… అధికారికంగా వెల్లడిస్తాం” అని స‌న్నిహిత వ‌ర్గాలు తెలిపాయి. చిరు సినిమాలో శ్రియ ఖాయ‌మైతే నిజంగా శ్రియ పంట పండిన‌ట్టే. ఎందుకంటే అటు బాల‌య్య వందో చిత్రంలో.. ఇటు చిరు 150వ సినిమాలోనూ త‌నే క‌నిపిస్తుంది. సంక్రాంతికి వ‌చ్చే రెండు సినిమాల్లోనూ శ్రియ‌నే ఉండ‌బోతోంది. ఇంత‌కంటే ఆనందం ఇంకేం ఉంటుంది? దేవిశ్రీ ప్రసాద్ సంగీతం అందిస్తున్న ఈ చిత్రంలో కేథ‌రిన్ ప్రత్యేక గీతంలో న‌ర్తించ‌బోతున్నట్టు తెలుస్తోంది. 2017 సంక్రాంతికి ఈ చిత్రాన్ని విడుద‌ల చేయాల‌ని చిత్రబృందం స‌న్నాహాలు చేస్తోంది.
