ఉప్పెన తో ద‌ర్శ‌కుడిగా ఎంట్రీ ఇచ్చాడు బుచ్చిబాబు. సుకుమార్ శిష్యుడిగా వ‌చ్చినా… తొలి సినిమాతో త‌న‌దైన ముద్ర వేసుకున్నాడు. `ఉప్పెన` బ‌య‌ట‌కు రాక ముందే.. బుచ్చికి చాలా ఆఫ‌ర్లు వ‌చ్చాయి. త‌న రెండో సినిమా కూడా మైత్రీకే క‌మిట్ అయ్యాడు బుచ్చి. ఎన్టీఆర్ లాంటి హీరోలు సైతం బుచ్చితో సినిమా చేయ‌డానికి రెడీ అయ్యారు.
ఇప్పుడు బుచ్చిబాబు `ఉప్పెన` స‌క్సెస్‌మూడ్‌లో ఉన్నాడు. అయితే త‌న రెండో సినిమాకి సంబంధించిన క‌థ ఇది వ‌ర‌కే సిద్ధం చేసేసుకున్నాడ‌ట. ఇది ఓ స్పోర్ట్స్ డ్రామా అని తెలుస్తోంది. `ఉప్పెన`ని ఉత్త‌రాంధ్ర నేప‌థ్యంలో తెర‌కెక్కించాడు బుచ్చి. ఈ సినిమాకీ అదే నేప‌థ్యం వాడుకోబోతున్నాడని తెలుస్తోంది. 1980 నాటి క‌థ ఇద‌ని, ఓ అగ్ర హీరోకి స‌రిగ్గా స‌రిపోతుంద‌ని ఇన్‌సైడ్ వ‌ర్గాలు టాక్‌. `ఉప్పెన` స‌క్సెస్ మూడ్ లో ఉన్న బుచ్చి… త్వ‌ర‌లోనే స్క్రిప్టు వ‌ర్క్ మొద‌లు పెట్టాల‌ని చూస్తున్నాడు.
